អាជ្ញាធរពាមក្រសោប បានរៀបចំប៉មសម្រាប់់់់់់់់អោយភ្ញៀវទៅទស្សានាត្រីផ្សោតនៅឃុំពាមក្រសោប ស្រុកមណ្ឌលសីមា ខេត្តកោះកុង

កោះកុង(ថ្ងៃពុធទី ១៦ ខែមីនាឆ្នាំ ២០២២)

ផ្សោតដែលជាសត្វដ៏កម្រកំពុងរស់នៅជាច្រើនក្នុង សហគមន៍ តំបន់ការពារធម្មជាតិពាមក្រសោបនៃដែនជម្រកសត្វព្រៃ ពាមក្រសោប ក្នុងភូមិសាស្រ្តខេត្តកោះកុង។ បច្ចុប្បន្នសត្វផ្សោតបានក្លាយជាគោលដៅសំខាន់មួយនៃវិស័យទេសចរណ៍ក្នុងសហគមន៍តំបន់ការពារធម្មជាតិពាមក្រសោប ដែលអ្នក ទេសចរប្រាថ្នាចង់ឃើញក្រៅពីវិស័យផ្សេងៗទៀតនៅតំបន់មួយនេះ។

ដែនជម្រកសត្វព្រៃពាមក្រសោម ព្រមទាំងតំបន់ក្បែរៗជុំវិញឆ្នេរ សមុទ្រខេត្តកោះកុង ត្រូវបានគេដឹងថា មានព្រៃកោងកាង ធនធាន សមុទ្រ និងមានឆ្នេរសមុទ្រ។ សត្វផ្សោតច្រើនរស់នៅ រកស៊ីចំណី កូនត្រី និងរុក្ខជាតិតាមព្រំប្រទល់សមុទ្រប្រទេសកម្ពុជាជាប់នឹង ប្រទេសថៃ។

លោក រ៉េត សុខនីម អនុប្រធានមន្ទីរបរិស្ថានខេត្តកោះកុង បានឱ្យ AMS ដឹងថាសត្វពផ្សោតនៅសហគមន៍តំបន់ការពារធម្មជាតិ ពាម ក្រសោប បច្ចុប្បន្នបើតាមការសង្កេតមានការកើនចំនួនឡើង បន្តិច បន្តួច ហើយពុំមានអ្វីប្រែប្រួលគួរកត់សម្គាល់ឡើយ លោកបាន បញ្ជាក់ ថាដោយសារចង់បង្ហាញពីសក្តានុពលធម្មជាតិ នៅតំបន់ សហគមន៍តំបន់ការពារធម្មជាតិពាមក្រសោបក្រសួងបរិស្ថាន មន្ទីរបរិស្ថាន និងក៏ដូចជាអាជ្ញាធរខេត្តនឹងរៀបចំជូនភ្ញៀវទេសចរ អំពីការទស្សនាសត្វផ្សោតតែម្តង។ក្នុងនេះក្រសួងបរិស្ថានបាន ជំរុញ ឱ្យរៀបចំប៉មមួយសម្រាប់ទស្សនាព្រៃកោងកាងផង និងការទស្សនា សត្វផ្សោត ផង។ពេលនេះមន្រ្តីពាក់ព័ន្ធបានសិក្សារួចរាល់ហើយ នៅតែបង្កើតប៉មសម្រាប់ទុកជូនភ្ញៀវទេសចរទស្សនាប៉ុណ្ណោះ។

បើតាម លោក រ៉េត សុខនីម បានឱ្យដឹងសត្វផ្សោតដែល មានវត្ត មាននៅក្នុង និងជុំវិញដែនជម្រកសត្វព្រៃពាមក្រសោបនេះ មាន ចំនួនបីប្រភេទគឺ សត្វផ្សោតទន្លេឬហៅថាផ្សោតក្បាលត្រងោល សត្វផ្សោតឥតព្រុយខ្នង និងសត្វផ្សោតឃ្លៀច ។

ជាមួយគ្នានេះលោក រ៉េត សុខនីម បានបញ្ជាក់បន្ថែមថាចំពោះទី ជម្រកសត្វផ្សោតទាំងនេះនៅតំបន់ឆ្នេរ និងសមុទ្រ ក្នុងខេត្តកោះកុង ប្រទេសកម្ពុជា និងមួយចំនួនទៀត នៅខេត្ត ត្រាតប្រទេសថៃ។សម្រាប់នៅខេត្តកោះកុងសត្វផ្សោតទាំងនេះវាច្រើនរស់នៅក្នុងលំហដែនទឹកនៅជាប់ពីខាងក្រៅ នៃពាមផ្លូវទឹកដែលស្ថិតនៅក្នុង និង ជុំវិញ ដែនជម្រកសត្វព្រៃពាមក្រសោបខេត្តកោះកុង ពោលគឺ មាន នៅឃុំកោះកាពិ ឃុំបាក់ខ្លង ឃុំពាមក្រសោប និងសង្កាត់ដងទង់។

សូមបញ្ជាក់ថា បើតាមអង្គការ IUCN ចុះក្នុងបញ្ជីក្រហមឃើញថា សត្វផ្សោតជាប្រភេទសត្វដែលរងគ្រោះ និងជិតផុតពូជពី ក្នុង ពិភពលោក។

លោក ហ៊ុន ម៉ារ៉ាឌី ប្រធានមន្ទីរបរិស្ថានខេត្តកោះកុង និងជាអ្នក ធ្លាប់ ស្រាវជ្រាវលើពូជសត្វផ្សោតសមុទ្រ បានឱ្យដឹងនាកន្លងមកថា សត្វផ្សោតបច្ចុប្បន្នត្រូវបានអភិរក្សយ៉ាងតឹងរ៉ឹងពីសំណាក់មន្រ្តីជំនាញ ហើយពេលនេះពួកវាកំពុងរស់នៅយ៉ាងសុខសាន្ត។ ជាងនេះ ទៅទៀតមន្ទីរបរិស្ថានខេត្តកោះកុងក៏បានលើកទឹកចិត្តឱ្យប្រជាពលរដ្ឋចូលរួមក្នុងកិច្ចការពារ និងអភិរក្សសត្វផ្សោតដ៏កម្រមិនអាច កាត់ ថ្លៃ បានទាំងនេះ ដើម្បីទុកសម្រាប់កូនចៅជំនាន់ក្រោយៗបានស្គាល់ បន្តទៀត។

លោកប្រធានមន្ទីរដដែលបានបញ្ជាក់បន្ថែមថា គម្រោងការពារនិង អភិរក្សផ្សោតសមុទ្រតាមបណ្តោយដែនសមុទ្រ រវាងខេត្តកោះកុង និងខេត្តត្រាតប្រទេសថៃនៃអង្គការ IUCN បានចាប់ផ្តើមអនុវត្តកាល ពីអំឡុងខែឧសភាឆ្នាំ ២០១៥ ក្នុងឃុំចំនួនបី ក្នុងនោះមានដូចជា ឃុំពាមក្រសោប ប៉ាក់ខ្លង និងកោះកាពិ ស្រុកមណ្ឌលសីមា ខេត្តកោះកុង។

សូមរំលឹកដែរថា បើតាមការឱ្យដឹងពីអង្គការ IUCN បញ្ជាក់ថា ក្នុង ការ សិក្សាស្រាវជ្រាវកាលពីឆ្នាំ ២០១៨គេបានរកឃើញ សត្វផ្សោត សមុទ្រ មានប្រមាណជាង៥០០ក្បាលនៅដែនសមុទ្រនៃទឹកដី ខេត្ត កោះកុង៕

ដោយ: ប៉ែន សំបូរ

.