មនុស្សជាង៨០០នាក់បានស្លាប់និងជាង២ពាក់នាក់រងរបួសបន្ទាប់ពីមានគ្រោះរញ្ជួយដីនៅអាហ្វហ្គានីស្ថាន

អាហ្វហ្គានីស្ថាន៖ គ្រោះរញ្ជួយដីកម្រិត ៦រ៉ិចទ័រ បានវាយប្រហារភាគខាងកើតប្រទេសអាហ្វហ្គានីស្ថាន កាលពីល្ងាចថ្ងៃអាទិត្យ ដោយបានសម្លាប់មនុស្សជាង ៨០០នាក់ និងរបួសយ៉ាងហោចណាស់ ២,៨០០នាក់ នេះបើយោងតាមតួលេខចុងក្រោយបង្អស់ ។
ប្រព័ន្ធផ្សព្វផ្សាយបានរាយការណ៍ថា ខេត្តគូណារ (Kunar) និងណានហ្គាហារ (Nangarhar) រងនូវការបំផ្លិចបំផ្លាញខ្លាំងជាងគេ និងមានអ្នកស្លាប់ជាង ៦០០នាក់ក្នុងខេត្តណានហ្គាហារ ហើយភូមិមួយចំនួនរងនូវការខូចខាតទាំងស្រុង ។
ជុំវិញស្ថានការណ៍នេះ ក្រុមអ្នកជួយសង្គ្រោះ ប្រឈមមុខនឹងការលំបាកក្នុងការធ្វើដំណើរទៅដល់តំបន់ភ្នំដាច់ស្រយាល ដោយការណ៍នេះ បានធ្វើឱ្យកិច្ចខិតខំប្រឹងប្រែងស្វែងរកអ្នកនៅរស់រានមានជីវិតត្រូវយឺតយ៉ាវ។ បុគ្គលិកផ្តល់ជំនួយ ព្រមានថា ឱកាសនៃការជួយសង្គ្រោះមនុស្សដែលជាប់នៅក្រោមគំនរបាក់បែកត្រូវថយចុះតាមពេលវេលា ។
ទន្ទឹមនឹងនោះ រដ្ឋាភិបាលរបស់ក្រុមតាលីបង់ បានធ្វើការអំពាវនាវសុំជំនួយពីអន្តរជាតិបន្ថែមទៀត ខណៈខ្លួនខំតស៊ូដើម្បីទប់ទល់នឹងគ្រោះមហន្តរាយស្របពេលខ្វះខាតធនធាន និងថវិកាធ្ងន់ធ្ងរ។ មន្ត្រីអាហ្វហ្គានីស្ថាន សង្កត់ធ្ងន់ថា ការគាំទ្រពីខាងក្រៅ ពិតជាសំខាន់ណាស់ក្នុងការដោះស្រាយវិបត្តិនាពេលនេះ ៕ដោយ:សុខ សុភ័ណ្ឌ ប្រែសម្រួលតាមសុះ