តុលាការធម្មនុញ្ញថៃ៖ នាយករដ្ឋមន្រ្តីថៃ ផែថងថានស៊ីណាវ៉ាត់ ត្រូវបញ្ចប់មុខតំណែង ក្រោយរកឃើញថា មានកំហុសបែកធ្លាយសារសន្ទនាជាមួយនឹងប្រធានព្រឹទ្ធសភាកម្ពុជាសម្តេចតេជោ ហ៊ុន សែន
ប្រទេសថៃ៖ លោកស្រីនាយករដ្ឋមន្រ្តីថៃ ផែថងថាន ត្រូវគេរកឃើញថា មានកំហុសពីបទ រំលោភលើច្បាប់រដ្ឋធម្មនុញ្ញ ដោយតុលាការធម្មនុញ្ញបានចេញសេចក្តីសម្រេចរឿងក្តីនេះ ដោយរកឃើញថា លោកស្រីបានសន្ទនាតាមរយៈក្លីបសម្លេងមួយជាមួយនឹងសម្តេចប្រធានព្រឹទ្ធសភាព្រះរាជាណាចក្រកម្ពុជា គឺសម្តេច តេជោហ៊ុន សែន។
នៅក្នុងក្លីបសន្ទនាដដែលនោះដែរ តុលាការបានរកឃើញទៀតថា ការសន្ទនាជាមួយនឹងសម្តេចតេជោ លោកស្រីបានលើកឡើងអំពីមេទ័ពភូមិភាគ២ គឺលោកឧត្តមសេនីយ៍ឯក ប៊ុនស៊ីន ផាកក្លាង គឺជាគូប្រឆំាងនឹងលោកស្រី បង្កឱ្យមានភាពកម្សោយដល់នយោបាយក្នុងស្រុកថៃ។
តុលាការធម្មនុញ្ញ បានអះអាងនៅក្នុងសេចក្តីសម្រេចនោះថា កិច្ចសន្ទនានោះ មិនបានតម្កល់ផលប្រយោជន៍ជាតិជាធំនោះទេ ហើយបានជាប្រយោជន៍ដល់សម្តេចតេជោ ហ៊ុន សែន៕
