ព្រះវិហារ:ថ្ងៃទី ១៥ ខែសីហាឆ្នាំ ២០២៥លោក គីម រិទ្ធី ប្រធានគណៈកម្មាធិការសាខាកាកបាទក្រហមកម្ពុជាខេត្តព្រះវិហារ បានបន្តចុះសួរសុខទុក្ខ និងនាំយកអំណោយរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនដល់គ្រួសារវីរៈយុទ្ធជនចំនួន ៤រូ,ប ក្នុងខេត្តព្រះវិហារ ដែលត្រូវបានចាប់ខ្លួនក្រោយមានបទឈប់បាញ់ចូលជាធរមាន កាលពីថ្ងៃទី២៨ ខែកក្កដា ឆ្នាំ២០២៥ កន្លងទៅ។
ក្នុងនាមតំណាងរបស់សម្ដេចកិត្តិព្រឹទ្ធបណ្ឌិត ឯកឧត្តមបានពាំនាំនូវការផ្តាំផ្ញើសាកសួរសុខទុក្ខ និងក្តីបារម្ភបំផុតរបស់សម្ដេច ដែលតែងតែយកចិត្តទុកដាក់ចំពោះសុខទុក្ខរបស់កងទ័ព និងក្រុមគ្រួសារយុទ្ធជនគ្រប់រូប។ សម្ដេចប្រធានបានណែនាំឲ្យក្រុមគ្រួសារទាំងអស់កុំមានការព្រួយបារម្ភ ព្រោះថារាជរដ្ឋាភិបាល កំពុងតែខិតខំតាមដាន និងដោះស្រាយបញ្ហានេះឲ្យបានល្អបំផុត ដើម្បីឲ្យវីរៈយុទ្ធជនរបស់យើងបានវិលត្រឡប់មកវិញក្នុងពេលឆាប់ៗ។ ដោយ:សួនពិសិត
