លោក ហ៊ុន ម៉ានី អញ្ជើញជាអធិបតីក្នុងពិធីប្រកាសទទួលស្គាល់ប្រធានគណៈកម្មាធិកាសហភាពសហព័ន្ធយុវជនកម្ពុជា ខេត្តកំពង់ស្ពឺ
កំពង់ស្ពឺ:លោក ហ៊ុន ម៉ានី ឧបនាយករដ្ឋមន្ត្រី អញ្ជើញជាអធិបតីក្នុងពិធីប្រកាសទទួលស្គាល់ប្រធានគណ:កម្មាធិកាសហភាពសហព័ន្ធយុវជនកម្ពុជា ថ្ងៃទី២៧ ខែឧសភា ឆ្នាំ២០២៥នៅសាលប្រជុំធំ សាលាខេត្តកំពង់ស្ពឺ។
នាឱកាសនោះរួមមានលោក យឹម សុខុម ប្រធានក្រុមប្រឹក្សាភិបាលខេត្ត
លោក ជាម ច័ន្ទសោភ័ណ អភិបាល
ខេត្ត លោក លោកស្រី គណៈអចិន្រៃ្តយ៍ គណៈកម្មាធិការកណ្ដាល ស.ស.យ.ក. និង សមាជិក សមាជិកា សរុបប្រមាណជាង៤៣០ រូប។
នាឱ្យកាសនោះដែរលោក ស្រ៊ុន ស្រ៊ន់ ប្រធានស.ស.យ.ក. ខេត្តកំពង់ស្ពឺ បានធ្វើសង្ខេបការងារ និងលទ្ធផលសំខាន់ៗ របស់ស.ស.យ.ក. ខេត្តដែលគូសបញ្ជាក់ពីការចូលរួមរបស់យុវជនខេត្តកំពង់ស្ពឺក្នុងសកម្មភាពសង្គម ការងារស្ម័គ្រចិត្ត និងការចូលរួមកម្មវិធីនានា ជាពិសេសសកម្មភាពយុវជនក្នុងការចូលរួមគាំទ្រអនុវត្តគោលនយោបាយរបស់រាជរដ្ឋាភិបាល។
ក្រោយស្តាប់ការប្តេជ្ញាចិត្តរបស់អនុប្រធានសហភាពសហព័ន្ធយុវជនកម្ពុជាខេត្តកំពង់ស្ពឺ លោក ជាម ច័ន្ទសោភ័ណ អភិបាលខេត្តកំពង់ស្ពឺ និងជាប្រធានកិត្តិយសស.ស.យ.ក.ខេត្តកំពង់ស្ពឺ បានធ្វើការថ្លែងអំណរគុណចំពោះ លោក ហ៊ុន ម៉ានី ដែលតែងតែចំណាយពេលវេលាដ៏មានតម្លៃ និងយកចិត្តទុកដាក់ខ្ពស់ចំពោះយុវជន និងផ្តល់ភាពកក់ក្តៅដល់ស.ស.យ.ក. ខេត្តកំពង់ស្ពឺទាំងមូល។
ក្នុងការចូលរួមចំណែកអភិវឌ្ឍខេត្តកំពង់ស្ពឺ ក៏ដូចជាសង្គមជាតិយើងទាំងមូល ក្រោមទិសស្លោក «រួមគ្នាដើម្បីកំពង់ស្ពឺ»។
ថ្លែងទៅកាន់អង្គពិធីផងដែរ លោក ហ៊ុន ម៉ានីបានថ្លែងអំណរគុណចំពោះថ្នាក់ដឹកនាំខេត្ត និងអាជ្ញាធរមូលដ្ឋានគ្រប់ជាន់ថ្នាក់ ដែលកន្លងមកបានផ្ដល់ជាបរិយាកាស និងកិច្ចសហការយ៉ាងល្អប្រសើរជាមួយសមាជិក សមាជិកា ស.ស.យ.ក. ខេត្តកំពង់ស្ពឺ ក្នុងការអនុវត្តកិច្ចការងារសង្គមនៅក្នុងរយៈកាលកន្លងមក។
ជាមួយគ្នានោះលោក ប្រធានក៏បានលើកឡើងនូវគុណតម្លៃ និងបុព្វហេតុនៃសកម្មភាពទាំងឡាយរបស់ ស.ស.យ.ក. ដែលបានបង្កប់នូវអត្ថន័យលើសពីគ្រាន់តែជារូបភាព។
សូមរំលឹកថាសមាសភាពគណៈកម្មាធិការ ស.ស.យ.ក. ខេត្តកំពង់ស្ពឺ ចំនួន ២១៦ ត្រូវបានប្រកាសទទួលស្គាល់ ដោយក្នុងនោះ លោក ជាម ច័ន្ទសោភ័ណ ត្រូវបានតែងតាំងជាប្រធានកិត្តិយសស.ស.យ.ក.ខេត្តកំពង់ស្ពឺ ដោយមាន ឯកឧត្តម ស្រ៊ុន ស្រ៊ន់ ជាប្រធាន៕ ពី ខេត្តកំពង់ស្ពឺ
