- ពលរដ្ឋដែលរស់នៅក្នុងភូមិបាណក់ ភូមិពោពី ឃុំចុងដូង ស្រុកបារាយណ៍ខេត្តកំពង់ធំ អំពាវនាវសុំឲ្យក្រសួងដែលពាក់ព័ន្ធនឹងរដ្ឋាភិបាលជួយកាត់ឆ្វៀលដីដែលពួកគាត់បានអាស្រ័យផលជិត 20 ឆ្នាំជូនដល់ពួកគាត់ផង!
(កំពង់ធំថ្ងៃសុក្រទី 10 ខែឧសភាឆ្នាំ 2024)
ប្រជាកសិករចំនួន 2 ភូមិគឺភូមិបាណក់និង ភូមិពោរពី ក្នុងឃុំចុងដូង ស្រុកបារាយណ៍ ខេត្តកំពង់ធំ ប្រមាណជាង ជាច្រើនគ្រួសារបានដង្ហើយហៅរកក្រសួងដែលពាក់ព័ន្ធ និង រដ្ឋាភិបាលមេត្តាជួយរកដំណោះស្រាយជូនដល់ពួកគាត់ ពីបញ្ហាដីស្រែរបស់ពួកគាត់ដែលបានអាស្រ័យផលអស់រយៈជាង 10 ឆ្នាំកន្លងមកហើយនៅតែពុំទាន់បានទទួលសិទ្ធិពេញលេញពីការកាត់ជ្វៀល និងទទួលបានប័ណ្ណកម្មសិទ្ធិដោយស្របច្បាប់ពីក្រសួងដែលពាក់ព័ន្ធនឹងរដ្ឋាភិបាលនោះនៅឡើយទេ។
យោងតាមការលើកឡើងរបស់បងប្អូនប្រជាកសិករដែលកំពុងតែមានបញ្ហាការជាប់គាំងទៅលើបញ្ហាវិបត្តិដីស្រែរបស់ពួកគាត់នោះ ពួកគាត់បានរៀបរាប់ឲ្យដឹងថា ដីស្រែរបស់ពួកគាត់ដែលតែងតែអាស្រ័យផលជារៀងរាល់ឆ្នាំគឺចាប់តាំងពីឆ្នាំ 2010 មកម្ល៉េះនោះគឺស្ថិតនៅក្នុងចំណុចតំបន់បឹងក្រចៅ បឹងវៀន និង អូរសិលា ដែលមានផ្ទៃដីសរុបជាង 80 ហិតាក្រោយមកគាល់ត្រូវបានសម្របសម្រួលពីអាជ្ញាធរមូលដ្ឋានដោយកាត់ដីនៅសល់ត្រឹមតែ 53ហិតាតែប៉ុណ្ណោះរហូតមកទល់នឹងពេលបច្ចុប្បន្ននេះ។
ប្រជាកសិករបានរៀបរាប់ឲ្យដឹងជាបន្តទៀតថាមុនការបោះឆ្នោតអាណត្តិទី 7 អាជ្ញាធរមូលដ្ឋានក៏ដូចជាអាជ្ញាធរខេត្តបានបញ្ចាក់ប្រាប់ពួកគាត់ថាដីដែលបងប្អូនប្រជាពលរដ្ឋបានអាចស្រ័យផលជាយូរឆ្នាំណាស់មកហើយនោះរដ្ឋនឹងកាត់ឆ្វៀលជូនពួកគាត់។ ក៏ប៉ុន្តែអ្វីដែលជាការអះអាងរបស់អាជ្ញាធរមូលដ្ឋាននិងខេត្តគឺផ្ទុយស្រឡះទៅវិញក្រោយការបោះឆ្នោតរួច ដោយតំបន់ដែលគាត់តែងតែអាស្រ័យដំណាំផលស្រូវជារៀងរាល់ឆ្នាំនោះពុំត្រូវបានក្រសួងពាក់ព័ន្ធកាត់ឆ្វៀលជូនពួកគាត់នោះឡើយ។ហើយម្យ៉ាងវិញទៀតពួកគាត់ឆ្ងល់ថា ចំណែកដីដែលស្ថិតនៅក្នុងតំបន់បីដែលដែលជាដីព្រៃលិចទឹកសម្បត្តិរបស់រដ្ឋដែលគេទើបតែឈូសឆាយទន្ទ្រានយកក្នុងពេលថ្មីៗនេះ ចុះហេតុអីបានជាគេទទួលបានប្លង់កម្មសិទ្ធិទៅវិញ។
ទាក់ទងទៅនឹងការកាត់ជ្វាលដីជូនប្រជាកសិករនៅក្នុងចំណុចភូមិឃុំស្រុកខាងលើនេះ លោក សុខ ម៉ារីអភិបាលរងស្រុកបារាយណ៍ទទួលបន្ទុកបញ្ហាដីធ្លី លោកបានស្រាយបំភ្លឺឲ្យអ្នកយកព័ត៌មានយើងដឹងថា ចំពោះចំណាត់ការក៏ដូចជាការកាត់ឆ្វៀលលដីជូនប្រជាពលរដ្ឋនោះគឺ ជាដែនសមត្ថកិច្ចរបស់ក្រសួងដែលពាក់ព័ន្ធនោះទេ។ពុំមែនជាសមត្ថកិច្ចរបស់អាជ្ញាធរមូលដ្ឋានឃុំស្រុកខេត្តនោះឡើយ។
ក៏ប៉ុន្តែបើទោះបីជាក្នុងកាលៈទេសៈណាក៏ដោយ ក្នុងនាមអាជ្ញាធរមូលដ្ឋាននិងអាជ្ញាធរខេត្ត នៅតែខិតខំប្រឹងប្រែងរកគ្រប់វិធីសាស្ត្រដើម្បីជួយប្រជាពលរដ្ឋនៅក្នុងមូលដ្ឋានរបស់ខ្លួនឲ្យទទួលបាននៅសិទ្ធិប្រើប្រាស់ដីធ្លីដោយស្របទៅនឹងច្បាប់គ្រប់ៗគ្នា។
