លោក ឧត្តមសេនីយ៍ទោ សុខ សំណាង ស្នងការ នគរបាលខេត្តតាកែវបន្តការចុះជួបសំណេះសំណាលសួរសុខទុក្ខ ត្រួតពិនិត្យកងកម្លាំងនគរបាល កម្លាំងពាក់ព័ន្ធ និងអាជ្ញាធរក្នុងស្រុកគិរីវង់

លោក ឧត្តមសេនីយ៍ទោ សុខ សំណាង ស្នងការ នគរបាលខេត្តតាកែវបន្តការចុះជួបសំណេះសំណាលសួរសុខទុក្ខ ត្រួតពិនិត្យកងកម្លាំងនគរបាល កម្លាំងពាក់ព័ន្ធ និងអាជ្ញាធរក្នុងស្រុកគិរីវង់

ខេត្តតាកែវ៖នាព្រឹកថ្ងៃអង្គារ ១១កើត ខែទុតិយាសា ឍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី ២០ ខែកក្កដា ឆ្នាំ២០២១ លោក ឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ រួមដំណើរដោយ លោក ឧត្តមសេនីយ៍ត្រី វរសេនីយ៍ឯក ស្នងការរង ក្រុមការងារស្នងការដ្ឋាននគរបាលខេត្ត”បន្តការចុះជួបសំណេះសំណាលសួរសុខទុក្ខ ត្រួតពិនិត្យកងកម្លាំងនគរបាល កម្លាំងពាក់ព័ន្ធ និងអាជ្ញាធរមូលដ្ឋានភូមិ ឃុំតំបន់បិទខ្ទប់ នៅភូមិកំពង់ ឃុំព្រះបាទជាន់ជុំ និងភូមិផ្សារ ឃុំភ្នំដិន ស្រុកគិរីវង់ ខេត្តតាកែវ” ដោយមានការចូលរួមពីៈ ក្រុមការងារថ្នាក់ ខេត្ត លោក អធិការនគរបាលស្រុកគិរីវង់ អាជ្ញាធរមូលដ្ឋាន។

ក្នុងឱកាសនោះ លោក ឧត្តមសេនីយ៍ទោ ស្នងការ បាននាំយកគ្រឿងឧបភោគ បរិភោគ និងសម្ភារៈមួយចំនួន ឧបត្ថម្ភដល់កងកម្លាំង(០២គោលដៅ) ក្នុង០១គោលដៅទទួលបានមីចំនួន១០កេស ម៉ាស់ចំនួន១០ប្រអប់ ទឹកសុទ្ធចំនួន១០កេស ទឹកអាល់ កុលចំនួន៣០លីត្រ ជូនលោកអធិការ ធ្វើការបែង ចែកដល់មន្រ្តីនគរបាលឈរជើងប្រចាំការតំបន់បិទខ្ទប់ ។
មានមតិណែនាំនាឱកាសនោះដែរ លោក ឧត្តម សេនីយ៍ទោ ស្នងការ បានជម្រុញឲ្យ លោកអធិការ អាជ្ញាធរមូលដ្ឋាន ក៏ដូចជាប្រជាពលរដ្ឋរស់នៅតំបន់បិទខ្ទប់ទាំងនោះចូលរួមបង្ការទប់ស្កាត់ការរីករាល ដាល នៃជំងឺកូវីដ-១៩(COVID-19) និងត្រូវអនុវត្តន៍តាមអនុសាសន៍ណែនាំដ៏ខ្ពង់ខ្ពស់របស់ សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នូវវិធានការ ៣កុំ ៣ការពារ ឲ្យបានខ្ជាប់ខ្ជួនជានិច្ចផងដែរ ៕