ឯកឧត្តមអភិបាលខេត្តតាកែវថ្លែងថា:ចង់ក្លាយជាពលរដ្ឋល្អនៅក្នុងសង្គម គឺងាយស្រួលណាស់ត្រឹមតែកុំបង្ករការលំបាកដល់សង្គម

តាកែវ:ឯកឧត្តម វ៉ី សំណាង អភិបាលខេត្តតាកែវ ថ្លែងថា:ចង់ក្លាយជាពលរដ្ឋល្អនៅក្នុងសង្គម គឺងាយស្រួលណាស់ ត្រឹមតែងកុំបង្ករការលំបាកដល់សង្គម តាមរយៈសកម្មភាពផ្សេងៗដូចជា: ជួញដូរគ្រឿងញៀន លួច ឆក់ ប្លន់ ក្មេងទំនើង បងតូច បងធំ ដែលនាំឲ្យប៉ះពាល់ដល់សន្តិសុខ សុវត្ថិភាព និងសណ្ដាប់ធ្នាប់សាធារណៈទៅជាការស្រេច ។
ទន្ទឹមនឹងនេះ យើងក៏អាចធ្វើសកម្មភាពផ្សេងៗតាមដែលអាចធ្វើទៅបានដើម្បីជួយកិច្ចការសង្គមរបស់យើងផងដែរ ។
លោក ថ្លែងបែបនេះកាលពីថ្ងៃទី១៧ខែវិច្ឆិកា ឆ្នាំ២០២៥ កញ្ញា ម៉ន សុវណ្ណរត្តនា បវរកញ្ញ ដែលមានទីកន្លែងកំណើត ភូមិកណ្តឹងតូច ឃុំកណ្តឹង ស្រុកបាទី ខេត្តតាកែវ បានធ្វើសកម្មភាពដើរដោយថ្មើជើង ចេញពីរាជធានីភ្នំពេញ មកកាន់ខេត្តតាកែវ ( មកដល់ខេត្តតាកែវនាល្ងាចថ្ងៃទី១៦ ) ក្នុងគោលបំណងផ្សព្វផ្សាយគោលដៅទេសចរណ៍ផ្សេងៗដែលមាននៅក្នុងខេត្តតាកែវ ជូនដល់បងប្អូនដែលជាភ្ញៀវទេសចរជាតិនិងអន្តរជាតិបានស្គាល់ផងដែរ ។
ក្នុងនាមអាជ្ញាធរដែនដី និងក្នុងនាមខ្លួនខ្ញុំផ្ទាល់ ខ្ញុំពិតជាមានមោទនភាពជាមួយនឹងសកម្មភាពដ៏ល្អប្រពៃនេះដែលជាគំរូដល់ក្មួយៗយកតម្រាប់តាម៕
ដោយ:APN|តាកែវ|អំណាចព័ត៌មាន