លោក ម៉េង ស្រ៊ុន សាជិកអចិន្ត្រៃយ៍គណ:កម្មាធិការគណបក្សខេត្តនិងជាប្រធានកម្មការក្រុមការងារចុះជួយមូលដ្ឋានឃុំអមលាំងចូលរួមពិធីបញ្ជូលសមាជិកថ្មីចំនួន១០៧នាក់

កំពង់ស្ពឺ:នាថ្ងៃទី ២៨ ខែ កញ្ញា ឆ្នាំ២០២៥ លោក ម៉េង ស្រ៊ុន សមាជិកអចិន្រ្តៃយ៍គណៈកម្មាធិការគណបក្សខេត្ត ប្រធានគណៈកម្មការគ្រប់គ្រង ខ២៦.២ និងជាប្រធានក្រុមការងារចុះជួយមូលដ្ឋានឃុំអមលាំង បានអញ្ជើញចូលរួមជាអធិបតី ក្នុងពិធី បញ្ជូលសមាជិកគណបក្សប្រជាជនកម្ពុជាថ្មី ចំនួន ១០៧នាក់ ក្នុងនោះមានស្រីចំនួន ៥៣នាក់ ក្នុងឃុំអមលាំង ស្រុកថ្ពង ខេត្តកំពង់ស្ពឺ ។
ក្រោមអធិបតីភាព ឯកឧត្តម សុខ ប៊ន  ប្រធានក្រុមការងារគណបក្សចុះជួយមូលដ្ឋានស្រុកថ្ពង ដោយមានសមាសភាពចូលរួមមានដូចជា ឯកឧត្តម លោក លោកស្រីប្រធានអនុប្រធាន  ក្រុមការងារគណបក្សចុះជួយមូលដ្ឋានឃុំអមលាំង លោក លោកស្រី សមាជិកសមាជិកាក្រុមការងារគណបក្សចុះជួយមូលដ្ឋានឃុំអមលាំង លោក លោកស្រី ប្រធានសាខាបក្សភូមិទាំង ១៧ភូមិ។
នាឱ្យកាស់នោះដែរ ឯកឧត្តម សុខ ប៊ន  ប្រធានក្រុមការងារ គណបក្សចុះជួយមូលដ្ឋានស្រុកថ្ពង លោកបានស្វាគមន៍យ៉ាងស្មោះចំពោះ សមាជិកថ្មីទាំងអស់ដែលបានសម្រេចចិត្តចូលរួមរស់ជាមួយគណបក្សប្រជាជនកម្ពុជាយើង។
ឯកឧត្តមប្រធាន ក៏បានបន្តទៀតថា ទម្រាំប្រទេសយើងទទួលបានសន្តិភាពពេញលេញ និងមានការអភិវឌ្ឍន៍ដូចសព្វថ្ងៃនេះ គឺមានការលំបាកខ្លាំងណាស់ ដូចឆ្នេះហើយយើងទាំងអស់គ្នាត្រូវនាំគ្នាចូលរួមថែរក្សានូវសន្តិភាព  មានសន្តិភាពទើបប្រទេសជាតិមានការអភិវឌ្ឍន៍ និងរីកចម្រើនទៅបាន ។
ជាចុងបញ្ចប់នៃកម្មវិធី សមាជិកក្នុងអង្គពិធីទាំងអស់ ព្រមទាំងសមាជិកគណបក្សប្រជាជនកម្ពុជាដែលចូលថ្មីចំនួន ១០៧នាក់ បានបញ្ចេញនូវស្នាមញញឹម ប្រកបដោយទឹកមុខរីករាយ ក្នុងអត្ថន័យជាតិសាសន៍តែមួយ រួមគ្នាដើម្បីសន្តិភាព និងប្រទេសជាតិមានភាពរីកចម្រើន ។
ដែរសមាជិកចូលរួមសរុបប្រមាណ ១៤៦នាក់ នៅស្នាក់ការបក្សឃុំអមលាំង ឯកឧត្តម សុខ ប៊ន  បានឧបត្ថម្ភដល់គណបក្សឃុំអមលាំងចំនួន ៤០០,០០០រៀល លោក ម៉េង ស្រ៊ុន ក៏បានឧបត្ថម្ភដល់សមាជិកចូលថ្មី ១០៧នាក់ ក្នុងម្នាក់ៗទទួលបាន ១០,០០០៛ ស្មើនឹង ១,០៧០,០០០៛ និងបានឧបត្ថម្ភបន្ថែមទៀតលើការកាយប្រឡាយបញ្ហូទឹកក្នុងគណបក្ស ២០០,០០០រៀល រួមទាំងចំណាយផ្សេងៗក្នុងកម្មវិធី ២២០,០០០៛ សរុបចំណាយរួមស្នើនឹង ១,៩៩០,០០០៛ ៕
ដោយ:សុខ សុភ័ណ្ឌ|កំពង់ស្ពឺ|រូបថតអំណាចព័ត៌មាន|