សភាពការណ៍នៅប្រាសាទតាមាន់ធំស្ងប់ស្ងាត់វិហើយ

ក្រោយលោកឧត្តមសេនីយ៍ត្រី នាក់ វង្ស មេបញ្ជាការកងពលតូចថ្នើរជើងលេខ៤២ ចុះទៅសម្របសម្រួលភ្លាមៗ ជាមួយថ្នាក់ដឹកនាំយោធាថៃ ស្ថានភាពនៅប្រាសាទតាមាន់ធំ ក៏វិលមករកសភាពស្ងប់ស្ងាត់វិញ។ ជាមួយគ្នានេះ សារព័ត៌មានថៃ បានស្រង់សម្តីលោក Bunsit Padklang មេបញ្ជាការកងទ័ពប្រចាំភូមិភាគ២របស់ថៃ ទៅចុះផ្សាយថា សភាពការណ៍នៅប្រាសាទតាមាន់ធំ ស្ថិតក្នុងសភាពធម្មតា ដោយគ្មានហេតុការណ៍គួរឱ្យបារម្ភណាមួយ កើតឡើងនោះទេ។ សូមបញ្ជាក់ថា នៅថ្ងៃទី១៥ ខែកក្កដា ឆ្នាំ២០២៥ កងទ័ពថៃ បានរារាំងពលរដ្ឋខ្មែរមិនឱ្យឡើងទៅលេងប្រាសាទតាមាន់ធំ ហើយថែមទាំងធ្វើសកម្មភាពឱ្យពលរដ្ឋខ្មែរចេញពីប្រាសាទនេះទៀតផង។ ឃើញដូច្នេះ ទាហានខ្មែរ ក៏តវ៉ា ហើយការប៉ះទង្វិចពាក្យសម្តីដាក់គ្នា ក៏កើតឡើង។ រីឯ អ្នកទេសចរថៃ បាននាំគ្នារត់ចេញពីប្រាសាទតាមាន់ធំយ៉ាងលឿន ដោយសារឮទានហានថៃរបស់ពួកគេ ប្រកាសថា សភាពការណ៍នៅប្រាសាទនេះ មិនសូវស្រួល។ដោយ:សួន ពិសិត