បន្ទាយមានជ័យ :
ប្រជាពលរដ្ឋបាននាំគ្នាសម្រុកទៅលេងនៅប្រាសាទតាមាន់ធំ និងប្រាសាទតាក្របី១ថ្ងៃ រាប់ពាន់នាក់ នៅថ្ងៃទី១៣ ខែកក្កដា ឆ្នាំ២០២៥ ស្ថិតឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ ។
កម្លាំងយោធាកងពលថ្មើរជើង លេខ៤១ បានប្រាប់ថា ៖ នៅថ្ងៃសៅរ៍ និងថ្ងៃអាទិត្យនេះឃើញប្រជាពលរដ្ឋខ្មែរយើងបាននាំគ្នាមកមើល និងលេងកម្សាន្តនៅប្រាសាទតាមាន់ធំ ១ថ្ងៃរាប់ពាន់នាក់ បើប្រៀបធៀប កាលពីមុន១ថ្ងៃ មានប្រមាណ៤០០ទៅ៥០០នាក់ ប្រាសាទតាមាន់ធំ ស្ថិតភូមិតាមាន់សែនជ័យ ឃុំគោកមន ស្រុកបន្ទាយអំពិល ខេត្តឧត្តរមានជ័យ ។
កម្លាំងយោធា តំបន់ប្រតិបត្តិការសឹករងស្រុកបន្ទាយអំពិល បានបញ្ជាក់ថា ៖ នៅថ្ងៃសៅរ៍និងថ្ងៃអាទិត្យនេះ មានប្រជាពលរដ្ឋខ្មែរបាននាំគ្នាមកមើល និងលេងកម្សាន្តប្រាសាទតាក្របី មានប្រមាណ៤០០ទៅ៥០០នាក់ បើប្រៀបធៀបកាលពីមុន ។ ពេលនេះ ១ថ្ងៃមាន១០០ទៅ២០០នាក់ ប្រាសាទតាក្របី ដែលស្ថិតភូមិបុសធំ ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ ។
កម្លាំងយោធាជួរមុខ សូមថ្លែងអំណគុណចំពោះសប្បុរសជន ដែលបានមកលេងនៅប្រាសាទតាមាន់ធំ និងប្រាសាទតាក្របី បាននាំអំណោយចែកជូន និងជាកម្លាំងចិត្តដល់កម្លាំងយោធា ដែលកំពុងការពារបូរណៈភាពទឹកដី និងមាតុភូមិ និងអោយប្រទេសជិតខាងឈ្លានពានបានឡើយ ៕ដោយ:apn
