កំពង់ស្ពឺ:ដោយអនុវត្តតាមបទបញ្ជាលោកឧត្ដម សេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ នៅថ្ងៃទី១១ ខែកក្កដា ឆ្នាំ២០២៥ វេលាម៉ោង១៣ និង ០៥ នាទី នៅចំណុចភូមិព្រៃរំដួល ឃុំសែនដី សំរោងទង ខេត្តកំពង់ស្ពឺ កំលាំងនគរបាលទទួលបានព័ត៌មាន ពីប្រជាពលរដ្ឋល្អ រាយការណ៍អំពីមុខសញ្ញាគ្រឿងញៀន ពាក់ព័ន្ធករណីជួញដូរដោយខុសច្បាប់នូវសារធាតុញៀនជាប្រចាំ កំលាំងបានស្រាវជ្រាវនិងឃាត់បានចំនួន ៣ នាក់÷
១-ឈ្មោះ យ៉ុង ចិត្ត ភេទ ប្រុស អាយុ ៣១ ឆ្នាំ នៅភូមិព្រៃរំដួល ឃុំសែនដី ដកហូតម្សៅក្រាមព័ណ៌សថ្លាសង្ស័យជាគ្រឿងញៀនចំនួន ៣ កញ្ចប់ (មធ្យម ១ , តូច ២),ទូរស័ព្ទដៃ ១ គ្រឿង និងម៉ូតូ ១ គ្រឿង ។
បើយោងតាមចម្លើយរបស់ឈ្មោះ យ៉ុង ចិត្ត សមត្ថកិច្ចនគរបាលបានបន្តឃាត់ឈ្មោះ ឆេង ចាន់ណា ហៅ រស្មី អាយុ ៣៩ឆ្នាំ ឃាត់នៅចំណុចភូមិស្រែត្រោក ឃុំសែនដី ដកហូតសារធាតុសង្ស័យគ្រឿងញៀនចំនួន ៤កញ្ចប់ (មធ្យម ១,តូច ៣), ទូរស័ព្ទដៃ ១គ្រឿង បន្ទាប់មកសមត្ថកិច្ចបន្ដឃាត់ឈ្មោះ គុជ ជីវ័ន្ត ហៅ ពៅ អាយុ ៣៥ឆ្នាំ ឃាត់នៅចំណុចភូមិអង្គមេត្រី ឃុំរលាំងគ្រើល ដកហូត÷ សារធាតុសង្ស័យគ្រឿងញៀនចំនួន ៣ កញ្ចប់មធ្យម ,ទូរស័ព្ទដៃចំនួន ២ គ្រឿង និងជញ្ជីងអេឡិចត្រូនិចសម្រាប់ថ្លឹងគ្រឿង ១គ្រឿង ។
តាមការបញ្ជាក់ពីលោកវរសេនីយ៍ឯក ឃុត សុផល អធិការនគរបាលស្រុកសំរោងទង បានបញ្ជាក់ឱ្យដឹងថាប្រតិបត្តិការខាងលេី ឃាត់មុខសញ្ញា ៣នាក់ ប្រុស , ម្សៅក្រាមព័ណ៌សថ្លាសង្ស័យជាគ្រឿងញៀនចំនួន ១០ កញ្ចប់ (មធ្យម ៥ ,តូច ៥),ទូរស័ព្ទដៃចំនួន ៤ គ្រឿង,ម៉ូតូ ១ គ្រឿង និងជញ្ជីងអេឡិចត្រូនិចសម្រាប់ថ្លឹងគ្រឿងញៀន ១ គ្រឿង និងបានបញ្ជូនមកអធិការដ្ឋាននគរបាលស្រុក ដេីម្បីបន្ដនីតិវិធីកសាងសំណុំរឿងបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តចំណាត់ការនីតិវិធីបន្ដ៕ដោយ:apn
