លោកត្រាំ និយាថាលោកនឹងដកទណ្ឌកម្មចេញពីប្រទេសអ៊ីរ៉ង់ពេលសមស្របណាមួយ

លោក ត្រាំ និយាយថាលោកនឹងដកទណ្ឌកម្មចេញពីប្រទេសអ៊ីរ៉ង់ក្នុងពេលសមស្របណាមួយ
អាម៉េរិក:កាលពីពេលថ្មីៗនេះ ប្រធានាធិបតីអាម៉េរិក លោក ដូណាល់ ត្រាំ (Donald Trump) បានរៀបរាប់ថា «លោកនឹងដកទណ្ឌកម្មដ៏តឹងរ៉ឹងរបស់សហរដ្ឋអាម៉េរិក ចេញពីប្រទេសអ៊ីរ៉ង់ ប៉ុន្តែវានឹងធ្វើឡើងនៅក្នុងពេលដ៏សមស្របណាមួយតែប៉ុណ្ណោះ» ។

អំឡុងចូលរួមពិសាភោជនាហារពេលល្ងាចជាមួយនាយករដ្ឋមន្ត្រីអ៊ីស្រាអ៊ែល ប៊ែនចាមីន ណេតាន់យ៉ាហ៊ូ (Benjamin Netanyahu) លោកត្រាំ បានរៀបរាប់ទៅកាន់អ្នកសារព័ត៌មានដោយប្រៀបធៀបថា «ការសម្រេចចិត្តនាពេលថ្មីៗនេះ ស្រដៀងគ្នានឹងការដកទណ្ឌកម្មលើប្រទេសស៊ីរី ដែលលោកជឿថា នឹងជួយជំរុញប្រទេសនោះឱ្យឆ្ពោះទៅមុខ» ។
មេដឹកនាំកំពូលរបស់សហរដ្ឋអាម៉េរិករូបនេះ បានបង្ហាញនូវក្ដីសង្ឃឹមដែរថា “ស្ថានភាពស្រដៀងគ្នានេះ នឹងអាចកើតមានចំពោះប្រទេសអ៊ីរ៉ង់ នាពេលអនាគតជាក់ជាពុំខានឡើយ” ។
លោកបានរៀបរាប់ទៀតថា «ខ្ញុំនឹងសម្រេចដកទណ្ឌកម្មចេញ ព្រោះខ្ញុំចង់ផ្ដល់ឱកាសឱ្យអ៊ីរ៉ង់កសាងប្រទេសឡើងវិញដោយសន្តិភាព ជំនួសឱ្យការបន្តអាកប្បកិរិយាបង្កអរិភាព ដូចជាការប្រើប្រាស់ពាក្យស្លោកប្រឆាំងនឹងសហរដ្ឋអាម៉េរិក ឬប្រឆាំងនឹងអ៊ីស្រាអ៊ែលជាដើម» ៕ដោយ: សុខ សុភ័ណ្ឌ អត្ថបទប្រែសម្រួល