គ្រោះថ្នាក់ចរាចរណ៍រវាងម៉ូតូ និងរថយន្ត ឡិចសុីស បុរសពីនាក់រងរបួសធ្ងន់
ហេតុការណ៍គ្រោះថ្នាក់ចរាចរណ៍យ៉ាងរន្ធត់មួយបានកើតឡើងរវាងម៉ូតូម៉ាក សុីរ៉ុស គ្មានស្លាកលេខ និងរថយន្តឡិចសុីលព័ណ៌ស ពាក់ស្លាកលេខ 2AS 7496 បើកបញ្ច្រាស់ទិសគ្នា ស្ថិតនៅភូមិប្លង់ ឃុំ ប៉ាតេ ស្រុក អូរយ៉ាដាវ ខេត្តរតនគិរី។ ភ្លាមៗអ្នកបើករថយន្ត LEXUS RX 300 បើករថយន្តគេចចេញពីកន្លែងកើតហេតុមកដល់ត្រង់ចំណុចភូមិ ប៉ាអរ ឃុំ ប៉ាតេ ស្រុក អូរយ៉ាដាវខេត្តរតនគិរី ក៏ទុករថយន្តចោលនៅលើចិញ្ចើមផ្លូវ អ្នកបើករបររត់គេចខ្លួនបាត់ស្រមោល។
ក្នុងហេតុការណ៍នេះបណ្ដាលឲ្យមនុស្ស២នាក់រងរបួសធ្ងន់ធ្ងរ
អ្នករងរបួសជាអ្នកជិះម៉ូតូទី១ ឈ្មោះ អួង សាក់ ភេទ ប្រុស អាយុ ២៩ ឆ្នាំ មុខរបរ ជាងផ្ទះ ទីលំនៅបច្ចុប្បន្ន ភូមិ មួយ ឃុំ ឡាមិញ ស្រុក បរកែវ ខេត្តរតនគិរី ដោយរងរបួសដាច់ករជើងខាងស្ដាំ។ ទី២ ឈ្មោះ បឿក សម្រេច ភេទ ប្រុស អាយុ ២០ ឆ្នាំ
ទីលំនៅបច្ចុប្បន្ន ភូមិ មួយ ឃុំ ឡាមិញ ស្រុក បរកែវខេត្តរតនគិរី។
ដោយរងរបួសបាក់ភ្លៅខាងស្ដាំ
បច្ចុប្បន្នកំលាំងជំនាញសហការជាមួយកំលាំងនគរបាលឃុំប៉ាតេ យកវត្ថុតាងម៉ូតូ និងរថយន្តមករក្សាទុក រីឯអ្នករបួសត្រូវបានដឹកបញ្ជូនទៅមន្ទីរពេទ្យភ្លាមៗផងដែរ៕
អត្ថបទ សុវណ្ណារ៉ា រតនគិរី
