កំពង់ស្ពឺ: ប្រជាពលរដ្ឋចំនួន១៧គ្រួសារស្នើសុំមន្ត្រីជំនាញជួយពិនិត្យមើលទីតាំងលក់ហ្គាសមួយកន្លែងនៅចំកណ្តាលភូមិធ្វើឱ្យពួកគាត់ព្រួយបារម្ភពីសុវត្ថិភាពក្នុងការស់នៅក្បែរ។
បើតាមសម្តីរបស់ឈ្មោះ សា វឿ អុិច ភេទប្រុសតំណាងប្រជាពលរដ្ឋចំនួន១៧គ្រួសារ រស់នៅក្នុងភូមិត្រពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ បានប្រាប់ក្រុមអ្នកយកព័ត៌មានកាលពីព្រឹកថ្ងៃទី០២ ខែមិថុនា ឆ្នាំ២០២៥នេះថា បច្ចុប្បន្នប្រជាពលរដ្ឋមានការព្រួយបារម្ភពី
សុវត្ថិភាព និងក្រុមគ្រួសារបន្ទាប់ពីមានឈ្មោះ សុខ ហេងម៉េងឡុង បានបើករបរលក់ហ្គាសដែលមាន(យីហោLPG) នៅចំកណ្តាលភូមិមិនត្រឹមត្រូវតាមលក្ខណបចេ្ចកទេស គ្រប់គ្រាន់និងបញ្ជៀសហានិភ័យនោះទេ។ ដោយសារតែទីតាំងស្តុកហ្គាសនេះមានផ្ទៃដីទំហំ៥ម៉ែត្រគុណ២០ម៉ែត្រហើយចំណុះស្តុកហ្គាសរហូតទៅដល់ស៊ីទែន៣៥០០លីត្រនៅចំកណ្តាលភូមិតែម្តង។
ទើបពួកគាត់សូមសំណូមពរទៅមន្ត្រីជំនាញមេត្តាពិនិត្យមើលផងទាន! ព្រោះថាសព្វថ្ងៃនេះពួកគាត់កំពុងដេកអោបភ្លើងហើយមិនថាទីតាំងស្តុកហ្គាសខាងលើនេះមានខ្នងបង្អែកមកពីទីណាទេបានជាអាជ្ញាធរមិនហ៊ានទៅក្បែរបែបនេះ។
ណាមួយពួកគាត់សង្កេតឃើញថា ម្ចាស់ទីតាំងខាងលើនៅពេលយប់នាំកូនចៅទៅសម្រាកនៅឯខាងស្រុកអង្គស្នួល ដោយពួកគាត់ទុកទីតាំងខាងលើចោលជារៀងរាល់យប់។
ជាចុងក្រោយពួកគាត់សូមសំណូមពរទៅក្រសួង រ៉ែ និង ថាមពល ជួយពិនិត្យពីអាជីវកម្មស្តុកនិងលក់ហ្គាស កណ្តាលភូមិត្រពាំងអំពិល ខាងក្រោយផ្សារត្រពាំងអំពិល ក្នុងឃុំត្រពាំងគង ស្រុកសំរោងទង ផងព្រោះសព្វថ្ងៃនេះពួកគាត់ដេកភ័យព្រួយបារម្ភ ពៅសុវត្ថិភាពខ្លាំងណាស់ ។
ក្រោយការលើកឡើងនិងសំណូមពរពីប្រជាពលរដ្ឋខាងលើក្រុមអ្នកយកព័ត៌មានយើងបានទូរស័ព្ទតាមតេលេក្រាមដើម្បីសាក់សួរពីប៉ុញ្ហាពីការព្រួយបារម្ភរបស់ប្រជាពលរដ្ឋ លោក មុត ភន អភិបាលស្រុកសំរោងទងថា បើសិនជាអាជីវកម្មខាងលើនេះមិនធ្វើតាមបច្ចេកទេសនោះលោកនិងឱ្យមន្ត្រីជំនាញចុះបិតទីតាំងតែម្តងនៅរសៀលថ្ងៃទី២ខែមិថុនានេះ។
ចំណែកលោក ប៊ិញ ជីវតុង ប្រធានមន្ទីរ រ៉ែ និងថាមពល ខេត្តកំពង់ស្ពឺ លោកនឹងឱ្យជំនាញមន្ទីរចុះទៅពិនិត្យនៅរសៀលថ្ងៃទី២ខែមិថុនាឆ្នាំ២០២៥នេះប្រសិនបើដូចបងប្អូនចោទប្រកាន់នោះមែនលោកនឹងចាត់វិធានការតាមនិតិវិធី៕ ដោយ៖ សាន់ រិន្ទ
