កំពង់ចាម:នាព្រឹកថ្ងៃទី១ខែ
មិថុនាឆ្នាំ២០២៥ លោកស្រី ឈុន រ័ត្នធានី រួមនិងក្រុមការងារ បាននាំយកអំណោយ សព្វបុរសជនពីខេត្តកំពង់ចាមក្នុងខេត្តព្រះវិហារយកទៅប្រគល់ជូនកងទ័ពកម្ពុជា សមភូមិជួរមុខតាមបន្ទាត់ព្រំដែនកម្ពុជា-ឡាវ-ថៃ “តំបន់មុំ៣” និងប្រាសាទព្រះវិហារ។
អំណោយដែលយកទៅជូននាពេលនេះរួមមាន ទឹកសុទ្ធ ១២០យួរ ទឹកក្រូច ៣កេះ ត្រីខ ៥កេះ មី១៥កេះ ទឹកត្រី១០យួរ ទឹកស៊ីអ៊ីវ១០យួរ ប៊ីចេង១០គីឡូ ត្រីរស់ ៣០គីឡូក្រាម ត្រីងៀត១០គីឡូក្រាម សៀង ៤កេះ ធូកមូស ១០ប្រអប់ បារី ២សុង ផ្លែឈឺ ២០០គីឡូក្រាម និងគ្រឿងឧបភោបរិភោគមួយចំនួនជាច្រើនទៀត។
លោកស្រី ឈុន រ័ត្នធានី បានឲដឹងថា៖ នេះជាលើទី២ហើយ ដែលលោកស្រីបាននាំយកអំណោយពីសព្វបុរសជនក្នុងខេត្តព្រះវិហារ តាមរយៈរូបលោស្រី និងក្រុមការងារ យកមកប្រគល់ជូនបងៗកងទ័ពដែលឈរជើងតាមបន្ទាត់ព្រំដែនស្ថិតក្នុងខេត្តព្រះវិហារ ទោះអំណោយទាំងនេះមិនច្រើនក្ដី តែជាទឹកចិត្ត និងសបញ្ជាក់ឲឃើញនៅក្ដីស្រលាញ់ពីពលរដ្ឋក្នុងខេត្តព្រះវិហារ។
លោកស្រីបន្តទៀតថា: នៅថ្ងៃនេះដែលអំណោយសព្វបុរសជន ចំនួន៣ រថយន្ដបន្ថែមទៀត មកពីភ្នំពេញយកមកប្រគល់ជូនរួមគ្នា ដល់បងៗកងទ័ពដែលបានឈរជើងនៅតាមបន្ទាត់ព្រំដែនកម្ពុជា-ឡាវ-ថៃ ដែលរួមមាន គ្រឿងឧបភោគ បរិភោគ និងថវិកា មួយចំនួនទៀតផងដែរ ៕ដោយ:សំ ណាង
