អាវភ្លៀងចំនួន១៣២អាវ ជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន សម្តេចមហាបវរធិបតី ហ៊ុន ម៉ាណែត និងជំទាវបណ្ឌិតពេជ ចន្ទមុន្នី បានប្រគល់ជូនដល់កងរាជអាវុធហត្ថ ខេត្តព្រះវិហារ

ព្រះវិហារ៖ នារសៀល ថ្ងៃទី២៣ ខែឧសភា ឆ្នាំ២០២៥  នៅទីបញ្ជាការកងអនុសេនាធំកងរាជអាវុធហត្ថចល័ត ស្ថិតក្នុងភូមិឯកភាព សង្កាត់ប៉ាលហាល ក្រុងព្រះវិហារ បានរៀបចំពិធីបើកចែកអាវភ្លៀង ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ចំនួន ១៣២អាវ ក្រោមអធិបតីភាព ឧត្តមសេនីយ៍ត្រី កង សៅគុណ មេបញ្ជាការកងរាជអាវុធហត្ថខេត្តព្រះវិហារ និងមានការអញ្ជើញចូលរួមពីសំណាក់ លោកមេបញ្ជាការរង នាយសេនាធិការរង ប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការ មេបញ្ជាការរង មូលដ្ឋានអហក្រុង ស្រុក កម្លាំងកងអនុសេនាធំចល័ត និងនាយ នាយរងអហខេត្តព្រះវិហារ ជាច្រើនរូបទៀត។
នាឪកាសនោះ លោកឧត្តមសេនីយ៍ត្រី កង សៅគុណ បានពាំនាំប្រសាសន៍របស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ផ្ដាំផ្ញើរ និងសួរសុខទុកដល់កងកំលាំងអាវុធហត្ថ ទាំងអស់សូមថែរក្សាសុខភាព ព្រោះរដូវនេះជារដូវភ្លៀងធ្លាក់ តែកងកំលាំងក្នុងពេលចុះបំពេញភារកិច្ចមិនថា យប់ ថ្ងៃ ក្ដៅរងារ នៅពេលមានភ្លៀងធ្លាក់នោះទេត្រូវការពារសុវត្ថិភាព ជូនជាតិ មាតុភូមិ ជាពិសេសគឺភូមិ ឃុំ មានសុវត្ថិភាព។
លោកមេបញ្ជាការបានបន្តថា៖ ក្រោមការដឹកនាំរបស់រាជរដ្ឋាភិបាលពីរមួយអាណត្តិទៅមួយអាណត្តិ តែងតែយកចិត្តទុក្ខដាក់ជាប្រចាំផងដែរ ៕
ដោយ: ពិ សិដ្ឋ