- ស្លាប់ម្នាក់,រងរបួសធ្ងន់ស្រាល៤នាក់ដោយសាររថយន្តបុកម៉ូតូ៣គ្រឿងនៅក្រុងច្បារមន
ខេត្តកំពង់ស្ពឺ៖ មនុស្សម្នាក់បានស្លាប់ភ្លាមៗនៅនិងកន្លែងកើតហេតុ និងមនុស្ស៤នាក់ទៀតរងរបួសធ្ងន់បន្ទាប់ពីរថយន្តមួយគ្រឿងបើកលឿនបុករះម៉ូតូ
ចំនួន០៣គ្រឿងនៅតាមបណ្តោយផ្លូវជាតិលេខ៤៤ ត្រង់ចន្លោះបង្គោលគីឡូម៉ែត្រលេខ៥ទៅលេខ៦ ស្ថិតនៅក្នុងភូមិតាម៉ុល សង្កាត់ច្បារមន ក្រុងច្បារមន ខេត្តកំពង់ស្ពឺ បានកើតឡើងកាលពីល្ងាចថ្ងៃទី២០ ខែឧសភា ឆ្នាំ២០២៥។
មន្ត្រីនគរបាលបានឲ្យដឹងថា មុនកើតហេតុគេបានឃើញរថយន្តមួយគ្រឿងម៉ាកនីសាន់ ពណ៌ស ផ្លាកលេខចង្កូតស្តាំ BB 1778 អ្នកបើកបរឈ្មោះឃាង ម៉េងលៀង ភេទប្រុស អាយុ៣១ឆ្នាំ មុខរបរមិនពិតប្រាកដ រស់នៅភូមិមុខខេត្ត សង្កាត់រការធំ ក្រុងច្បារមន ខេត្តកំពង់ស្ពឺ បានបើកបរតាមបណ្តោយផ្លូវជាតិលេខ៤៤ ពីទិសខាងលិចទៅខាងកើត លុះពេលបើកមកដល់ចំណុចកើតហេតុខាងលើបានបុកម៉ូតូរះចំនួន០៣គ្រឿង។ទី១.ម៉ូតូម៉ាក HONDA C125 ពណ៏ ខ្មៅ ផ្លាកលេខព្រះសីហនុ 1G 3387 កំពុងបើកបរបញ្ច្រាសទិសគ្នាពីកើតទៅលិច
អ្នកបើកបរឈ្មោះស៊ិន សំអាត ភេទ ប្រុស អាយុ ២៣ឆ្នាំ អ្នករួមដំណើរឈោះ អាន សុភារា ភេទស្រី អាយុ២០ឆ្នាំ អ្នកទាំង២នាក់រស់នៅភូមិព្រៃពាមក្តី ឃុំទំព័រមាស ស្រុកសំរោងទង ខេត្ដកំពង់ស្ពឺ។ ទី២.ម៉ូតូម៉ាក HONDA C125 ពណ៌ខ្មៅ ផ្លាកលេខកំពង់ស្ពឺ 1R 7510បើកបរពីទិសខាងកើតទៅលិច
អ្នកបើកបរឈ្មោះ រ៉ា ចាន់ថា ភេទប្រុស អាយុ២៥ឆ្នាំអ្នករួមដំណើរឈ្មោះពិន កក្កដា ភេទស្រីអាយុ២៧ឆ្នាំ អ្នកទាំង២នាក់រស់ នៅភូមិថ្មីឧត្តម ឃុំតាំងក្រូច ស្រុកសំរោងទង ខេត្តកំពង់ស្ពឺ។ និង៣.ម៉ូតូ ម៉ាកHONDA C125 ពណ៌ខ្មៅ ផ្លាកលេខកំពង់ស្ពឺ 1V 9562បើកបរពីទិសខាងកើតទៅលិច
អ្នកបើកឈ្មោះជា ប៊ុនណាក់ ភេទប្រុស អាយុ២២ឆ្នាំ រស់នៅភូមិអូផ្តៅ ឃុំរស្មីសាមគ្គី ស្រុកឪរ៉ាល់ ខេត្តកំពង់ស្ពឺ។
សមត្ថកិច្ចបានបន្តទៀតថារថយន្តខាងលើបានបុករះពេញទំហឹង មនុស្សរងរបួសធ្ងន់ស្រាល៥ស្រី១នាក់
(ស៊ិន សំអាត, អាន សុភារា , រ៉ា ចាន់ថា , ជា ប៊ុនណាក់)
ស្លាប់១នាក់ស្រីពេលបញ្ជូនទៅដល់មន្ទីរពេទ្យបង្អែកខេត្ត(ពិន កក្កដា)។
មន្ត្រីនគរបាលបានបន្តទៀតថា ក្រោយកើតហេតុសមត្ថកិច្ចចុះទៅអន្តរាគមន៍ ឆែកឆេរឃើញគ្រឿងញៀនមួយកញ្ចប់ធំ។ ចំណែកអ្នកបើកបររថយន្តត្រូវបានកម្លាំងកងរាជអាវុធហត្ថខេត្តឃាត់យកទៅសាក សួរសង្ស័យថាពាក់ព័ន្ធករណីគ្រឿងញៀន។
ដោយឡែកវត្ថុតាងរថយន្ត០១គ្រឿងនិងម៉ូតូទាំង០៣គ្រឿងនគរបាលក្រុងច្បារមនបានប្រគល់ជូនការិយាល័យចរាចរណ៍ខេត្តកំពង់ស្ពឺ ដើម្បីចាត់ការបន្តតាមផ្លូវច្បាប់ ៕
