រថយន្តដឹកកម្មករបុករថយន្តបត់ឆ្លងផ្លូវបណ្តាលឲ្យស្លាប់ម្នាក់រងរបួសធ្ងន់ស្រាល៤១នាក់

កំពង់ស្ពឺ:ព័ត៌មានបឋម រថយន្តដឹកកម្មករ បានបុករថយន្តហ្វតដែលបទឆ្លងផ្លូវបណ្តាលអោយមនុស្សម្នាក់ស្លាប់និង៤១នាក់របួសធ្ងន់ស្រាល។
ហេតុការណ៍គ្រោះថ្នាក់នេះបានកើតឡើងកាលពីព្រឹកថ្ងៃទី៧ ខែឧសភា ឆ្នាំ២០២៥ នៅលើផ្លូវជាតិលេខ៤៤ ចន្លោះគីឡូម៉ែត្រលេខ១២៩-១៣០ ស្ថិតនៅភូមិខ្សាច់ពូន សង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ។
សមត្ថកិច្ចមូលដ្ឋានបានឲ្យដឹងថាមុនពេលកើតហេតុគេឃើញ មានរថយន្ដមួយគ្រឿង ម៉ាកHYUNDAI ពណ៌បៃតងខ្ចី ពាក់ផ្លាកលេខភ្នំពេញ3B-4649(មានដឹកកម្មករ៤២នាក់) ។
អ្នកបើកបរឈ្មោះឈឿង នាង ភេទប្រុស អាយុ ៣៥ឆ្នាំ រស់នៅភូមិចំបក់ធំ ឃុំប្រាំបីមុម ស្រុកថ្ពង ខេត្តកំពង់ស្ពឺ(ចុះរត់គេចក្រោយកើតហេតុ) បើកបរពីទិសខាងលិចទៅទិសខាងកើត លុះមកដល់ត្រង់ចំណុចកើតហេតុខាងលើ បានទៅបុករថយន្ដមួយគ្រឿង ម៉ាកFORD RANGER ពណ៌ស ពាក់ផ្លាកលេខ2BP-1891។ សមត្ថកិច្ចបានបន្តទៀតថាអ្នកបើកបរមិនទាន់ស្គាល់អត្តសញ្ញាណ(ចុះរត់គេចក្រោយកើតហេតុ) ដែលកំពុងតែបើកបរនៅខាងមុខស្របទិសគ្នាហើយបត់ឆ្វេងឆ្លងផ្លូវ បណ្ដាលឲ្យ ស្លាប់មនុស្សស្រី( ស្លាប់ពេលបញ្ជូនដល់មន្ទីរពេទ្យ)
របួសធ្ងន់ ៥នាក់ស្រីរបួសស្រាល ៣៦នាក់ ស្រី ៣០នាក់
អ្នករងរបួសត្រូវបានបញ្ជូនទៅព្យាបាលនៅមន្ទីរពេទ្យ។
ចំណែកវត្ថុតាងរថយន្តទាំងពីគ្រឿងបានយកទៅរក្សាទុកនៅអធិការដ្ឋាននគរបាលក្រុងឧដុង្គម៉ែជ័យរងចាំដោះស្រាយនៅពេលក្រោយ៕
ដោយ:សុខ សុភ័ណ្ឌ រូបថតសមត្ថកិច្ច