តំបន់ប្រតិបត្តិការសឹករងកោះកុង  បានបើកកិច្ចប្រជុំបូកសរុបលទ្ធផលការងារយោធាសន្តិសុខប្រចាំខែមករា និងទិសដៅប្រចាំខែកុម្ភៈ ឆ្នាំ២០២៤!

តំបន់ប្រតិបត្តិការសឹករងកោះកុង  បានបើកកិច្ចប្រជុំបូកសរុបលទ្ធផលការងារយោធាសន្តិសុខប្រចាំខែមករា និងទិសដៅប្រចាំខែកុម្ភៈ ឆ្នាំ២០២៤!

(កោះកុង ព្រហស្បតិ៍ ថ្ងៃទី០៨ ខែកុម្ភៈ ឆ្នាំ២០២៤)

តំបន់ប្រតិបត្តិការសឹករងខេត្តកោះកុង នាវេលាម៉ោង 8: និង 00នាទី នៅព្រឹកថ្ងៃទី 8 ខែកុម្ភៈឆ្នាំ 2024 នេះ បានប្រារព្ធកិច្ចប្រជុំបូកសរុបលទ្ធផលកិច្ចការងារយោធាសន្តិសុខ ប្រចាំខែមករា និងទិសដៅការងារយោធាសន្តិសុខប្រចាំខែ កុម្ភៈ ឆ្នាំ២០២៤  ក្រោមអធិបតីភាពលោកឧត្តមសេនីយ៍ទោ សោម សាមិទ្ធ មេបញ្ជាការរងយោធភូមិភាគទី៣ និងជាមេបញ្ជាការទទួលទិសជួមុខនៃយោធភូមិភាគទី៣។

ចូលរួមនៅក្នុងកិច្ចប្រជុំបូកសរុបលទ្ធផលកិច្ចការងារសម្រាប់ខែមករានិងទិសដៅសម្រាប់ខែកុម្ភៈជាបន្តទៀតនាឱកាសនោះរួមមាន លោក ឧត្តមសេនីយ៍ត្រី កែវ វិចិត្រមេបញ្ជាការតំបន់ប្រតិបត្តិការសឹករងកោះកុង ព្រមទាំងមានការចូលរួមពីរមេបញ្ជាការ មេបញ្ជាការរង និងនាយការិយាល័យ គ្រប់ផ្នែកដែលចំណុះឲ្យតំបន់ប្រតិបត្តិការសឹករងខេត្តជាច្រើនរូបទៀត ក៏បានចូលរួមនៅក្នុងកិច្ចប្រជុំបូកសរុបលទ្ធផលការងារនិងទិសដៅបន្តនោះដែរ។

លោកឧត្តមសេនីយ៍ត្រី កែវ វិចិត្រ មេបញ្ជាការតំបន់ប្រតិបត្តិការសឹករងខេត្តកោះកុង ក៏បានរាយការណ៍ពីសភាពការណ៍ទូទៅ សង្ខេបជូនគណៈអធិបតីដោយបានមានប្រសាសន៍លើកឡើងថា .តំបន់ប្រតិបត្តិការសឹករងខេត្តកោះកុង ព្រមទាំងថ្នាក់ដឹកនាំគ្រប់កងឯកភាពទាំងអស់បានខិតខំប្រឹងប្រែងបំពេញតួនាទីនិងកាតព្វកិច្ចរបស់ខ្លួនដោយទទួលបានលទ្ធផលយ៉ាងល្អប្រសើរ សម្រាប់ខែមករាកន្លងមក។ ហើយសម្រាប់ទិសដៅអនុវត្តបន្ត គឺតំបន់ប្រតិបត្តិការសឹករងត្រូវពង្រឹងបន្ថែមទៀត គឺការខំប្រឹងប្រែងថែរក្សាការពារសន្តិភាព ការពារ បាវចនាជាតិ រដ្ឋធម្មនុញ្ញ ការពារបូរភាពទឹកដី និងការពាររាជរដ្ឋាភិបាលស្របច្បាប់ដែលដឹកនាំដោយសម្តេច មហាបវរធិបតី ហ៊ុន ម៉ាណែត ជានាយករដ្ឋមន្រ្តីនៃនីតិកាលទី 7 ឲ្យកាន់តែល្អប្រសើរឡើងថែមទៀត។

មានមតិសំណេះសំណាលនិងផ្ដល់ឱវាទនាឱកាសនោះ លោកឧត្តមសេនីយ៍ទោ សោម សាមិទ្ធ មេបញ្ជាការរងយោធភូមិភាគទី៣ បាននាំយកនៅ ការផ្តាំផ្ញើសាកសួរសុខពី ឯកឧត្តមឧត្តម សេនីយ៍ឯក យឿង សុខុន មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៣ ក្នុងនាមឯកឧត្តមផ្ទាល់ ឯកឧត្តម សូមកោតសរសើរចំពោះលោកមេបញ្ជាការ នាយទាហាន នាយទាហានរងនិងពលទាហាន ទាំងអស់ ដែលបានរួមគ្នាការពារបានយ៉ាងមុតមាំ នូវបូរណភាពដែនដី ការពារសុខសន្តិភាព ដែលជាទ្រព្យម្បត្តិដ៏មហាសាលដែលយើងទាំងអស់គ្នាមិនអាចខ្វះ បាន។

លោកឧត្តមសេនីយ៍ទោសោម សាមិទ្ធ បានបញ្ជាក់បន្ថែមជាចុងក្រោយថា ក្នុងនាមជាយោធិនការពារតាមខ្សែបន្ទាត់ព្រំដែន ត្រូវបង្កើនការល្បាត ខិតខំកសាងប្រព័ន្ធការពារ ដើម្បីពង្រឹងខឿនការពារជាតិ និងត្រូវបន្តចូលរួមការពារ ជាតិ សាសនា ព្រះមហាក្សត្រ ចូលរួមគោរពច្បាប់រដ្ឋ ច្បាប់លក្ខន្តិកៈ និងបទវិន័យទូទៅ  របស់កងយោធពលខេមរភូមិន្ទ និងត្រូវជៀសអោយឆ្ងាយពីគ្រឿងញៀន។

ម្យ៉ាងវិញទៀតនៅក្នុងឱកាសបុណ្យចូលឆ្នាំថ្មីប្រពៃណី ចិន.វៀតណាម ខាងមុខនេះសូមឱ្យទទួលបាននៅសុខភាពល្អ ជួបតែសេចក្តីសុខ សុភមង្គលគ្រប់ក្រុមគ្រួសារជារៀងរហូត៕

ដោយសំនៀង