បែកធ្លាយរឿងលោក តាប់ ម៉ាឡៃ ប្រធានមន្ទីរៀបចំដែនដីនគរូបនីយកម្មសំណង់និងសុរិយោដីខេត្តកំពង់ស្ពឺ បន្ថយអាយុចូលនិវត្តន៍
ខេត្តកំពង់ស្ពឺ៖ តើលោកឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងដែនដីនគររូបនីយកម្មនិងសំណង់ ត្រូវចាត់មន្ត្រីអធិការកិច្ចបើកការស៊ើបអង្កេតករណីលោកតាប់ ម៉ាឡៃ ប្រធានមន្ទីររៀបចំដែនដីនគរូបនីយកម្មសំណង់និងសុរិយោដីខេត្តកំពង់ស្ពឺលេងប៉ាហ៊ីកែប្រវត្តិរូបថ្ងៃខែឆ្នាំកំណើតដើម្បីពន្យាពីចូលនិវត្តន៍នោះបានដែរឬទេ? មិនតែប៉ុណ្ណោះទង្វើរបស់លោកប្រធានមន្ទីរបែបនេះគឺត្រូវប្រឈមចំពោះមុខច្បាប់ថែមទៀតផង។
ប្រភពរាយការណ៍ថា លោក តាប់ ម៉ាឡៃ ប្រធានមន្ទីររៀបចំដែនដីនគរូបនីយកម្មសំណងនិងសុរិយោដីខេត្តកំពង់ស្ពឺបានរត់ការកែរ ឆ្នាំកំណើត ដើម្បីពន្យាអាយុចូលនិវត្តន៍ ខណៈនៅសល់ត្រឹមតែ៣ខែទៀតនឹងត្រូវចូលនិវត្តន៍បើតាមឆ្នាំកំណើតពិតប្រាកដ។
បើតាមសម្តីមន្ត្រីម្នាក់បំរើការងារនៅមន្ទីររៀបចំដែនដីរូបនីយកម្មនឹងសុរិយោដីខេត្តកំពង់ស្ពឺ សូមមិនបញ្ចេញឈ្មោះបានឲ្យ ដឹងថា តាមការពិលោកតាប់ ម៉ាឡៃ នៅសល់រយះពេលតែជាង៣ខែទៀតនឹងត្រូវដល់គ្រប់អាយុចូលនិវត្តន៍ដោយថ្ងៃខែឆ្នាំកើតពិតប្រាកដ របស់លោកតាប់ ម៉ាឡៃ ថ្ងៃទី៥ ខែ៧ ឆ្នាំ១៩៦៤ ស្រាប់តែឈ្មោះលោកតាប់ ម៉ាឡៃ នៅក្នុងតារាងទូទាត់ប្រៀវត្យប្រចាំ ខែសីហា ឆ្នាំ ២០២៣ កន្លងមកបែរជាឆ្នាំកំណើតលោកតាប់ ម៉ាឡៃ ថ្ងៃទី ៥ ខែ ៧ឆ្នាំ១៩៦៧ ទៅវិញ។ ពោលគឺបន្ថយអស់រយៈពេល ៣ ឆ្នាំទៀត មានន័យថា៣ឆ្នាំទៀតទើបលោកចូលនិវត្តន៍។
ប្រភពផ្ទៃក្នុងបានបន្តទៀតថា មន្ត្រីជាច្រើនដែលបំរើការ ងារនៅក្នុងមន្ទីររៀបចំដែនដីនគររូបនីយកម្មនិងសំណង់សុរិយោដីខេត្តកំពង់ស្ពឺម្នាក់ៗឆ្ងល់ថា សម័យនេះហើយនៅមានការប្តូអាយុរបៀបនេះបានទៀត។ បើប្រធានមន្ទីររបស់ពួកយើងអាចធ្វើរបៀបនេះបាន តើប្រធានអង្គភាពនានាត្រូវចូលនិវត្តន៍ជាបន្តបន្ទាប់នោះ មានអារម្មណ៍យ៉ាងណាដែរ។ តើទង្វើបែបនេះសមស្របដែរឬទេ? ឬ មួយថា លោកមានលុយអាចធ្វើអ្វីៗបានតាមអំពើចិត្ត។ គេនិយាយថា វាជាការឃុបឃិតគ្នាជាប្រព័ន្ធរវាងមន្ត្រីនៅសាលាខេត្តកំពង់ស្ពឺនិងក្រសួងដែនដីនគរូបនីយកម្មនិងសំណង់ នៅមុនពេលដែល អតីតឧបនាយករដ្ឋមន្ត្រីជា សុផារ៉ា ចាកចេញ។
យ៉ាងណាក៏ដោយក្រុមមន្ត្រី នៃមន្ទីរដែនដីខេត្តកំពង់ស្ពឺរំពឹងថា លោកឧបនាយករដ្ឋមន្ត្រី សាយ សំអាល់ មិនបណ្ដោយឲ្យបញ្ហាអយុត្តិធម៌មួយនេះកើតនៅក្នុងស្ថាប័នលោកនោះឡើយ។ ជាងនេះទៅទៀតនៅក្នុងអំណាចដ៏យូរលង់របស់លោកតាប់ ម៉ាឡៃ នៅខេត្តកំពង់ស្ពឺនោះលោកប្រព្រឹត្តអំពើពុករលួយមិនគប្បីជាច្រើនណាស់មកហើយល្មមដើរចេញដោយអស់ចិត្តហើយ។ គេជឿថាប្រសិនបើមានការស៊ើបអង្កេតស្រាវជ្រាវឲ្យស៊ីជម្រៅនោះលោកតាប់ ម៉ាឡៃ មានបញ្ហាជាច្រើនរួមទាំងបញ្ហានៃការកែថ្ងៃខែឆ្នាំកំណើតនេះផង។
ពាក់ព័ន្ធនឹងការលើកឡើងខាងលើនេះដែរ អ្នកយកព័ត៌មានយើង តេទៅលោកតាប់ ម៉ាឡៃ ដើម្បីសួរនាំដែរ ប៉ុន្តែតេចូលមិនមានអ្នកទទួលទូរស័ព្ទ៕
