លោកឧត្តមសេនីយ៍ទោ ហួត សុធី បានដឹកនាំការិយាល័យកិច្ចការប៉ុស្ដិ៍ និងអធិការនគរបាលក្រុង ប៉ុស្ដិ៍នគរបាលរដ្ឋបាលកូនគ្រៀល ចុះប្រជុំត្រួតពិនិត្យ និងជម្រុញគាំទ្រការអនុវត្តការងារនគរបាល និងសហគមន៍ នៅសាលាសង្កាត់កូនគ្រៀល ក្រុងសំរោង !!
ខេត្តឧត្តរមានជ័យ ជាក់ស្តែងនៅថ្ងៃទី៦ ខែកញ្ញា ឆ្នាំ២០២៣ វេលាម៉ោង ០៨៖០០នាទី លោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តឧត្ដរមានជ័យ បានដឹកនាំការិយាល័យកិច្ចការប៉ុស្ដិ និងកម្លាំងអធិការដ្ឋាននគរបាលក្រុងសំរោង ប៉ុស្ដិនគរបាលរដ្ឋបាល ចុះប្រជុំត្រួតពិនិត្យ និងជម្រុញគាំទ្រការអនុវត្តការងារនគរបាល និងសហគមន៍ នៅសាលាសង្កាត់កូនគ្រៀល ក្រុងសំរោង។
កិច្ចប្រជុំនេះ ក៏មានការអញ្ជើញចូលរួមពី លោក ប៊ុត វ៉ាន់ដេត អភិបាលស្តីទី នៃគណគណៈអភិបាលក្រុងសំរោង, លោកនាយ-នាយរង-មន្ត្រីប៉ុស្តិ៍, ក្រុមប្រឹក្សាសង្កាត់, មេភូមិទាំង៣៣ និងប្រជាការពារភូមិ សហគមន៍ សរុបចំនួន ៧០ នាក់/ ស្រី ០៣ នាក់ ។
ក្នុងកិច្ចប្រជុំ ដ៏មានសារៈសំខាន់នោះ លោកឧត្ដមសេនីយ៍ស្នងការនគរបាលខេត្ត បានមានប្រសាសន៍លើកឡើងថា៖ បានលើកឡើងពីសេចក្ដីណែនាំរបស់អគ្គស្នងការដ្ឋាននគរបាលជាតិលេខ០១៣ សណ ន ចុះថ្ងៃ០៦ ខែតុលា ឆ្នាំ២០១៧ ក្នុងនោះបានសង្គត់ធ្ងន់លើក តួនាទីភារកិច្ច ការងារនគរបាល និងសហគមន៍ ផ្ដោតលើការអនុវត្ត គោលការណ៍អនុវត្តទម្រង់ទាំង៤ ។
ទី១. ធ្វើឲ្យនគរបាល កាន់តែនៅគៀកជិតជាមួយប្រជាពលរដ្ឋ ហើយមានការសហការគ្នាបានល្អរវាងនគរបាល និងប្រជាពលរដ្ឋ ក្នុងការផ្តល់ព័ត៌មានផ្សេងៗដែលបានកើតមានឡើងក្នុងមូលដ្ឋាន។
ទី២. នគរបាល និងអ្នកពាក់ព័ន្ធ ត្រូវសហការគ្នាក្នុងការបង្ការទប់ស្កាត់នូវបទល្មើស ការផ្តល់សេវាសាធារណៈឲ្យបានល្អ រហ័សប្រកបដោយទំនុកចិត្ត និងរកដំណោះស្រាយបញ្ហាប្រឈមនានាជូនប្រជាពលរដ្ឋក្នុងមូលដ្ឋាន។
ជាចុងក្រោយ លោកស្នងការ បានណែនាំទៅដល់កម្លាំងនគរបាលប៉ុស្តិ៍រដ្ឋបាល និងអ្នកពាក់ព័ន្ធទាំងអស់ អនុវត្តស្មារតីអង្គប្រជុំអោយមានប្រសិទ្ឋភាព ដោយទទួលខុសត្រូវ ហើយ ខែបន្ទាប់ និងប្រជុំត្រួតពិនិត្យ បន្តទៀត។
