លោក អុឹង ឃាង បានច្រានចោលទាំងស្រុងទៅលើអង្គភាពវេបសាយមួយចំនួនដែលបានផ្សាយចោទប្រកាន់លោកថា  ជាអ្នកបំផ្លាញធនធានធម្មជាតិដែលជាសម្បត្តិរបស់រដ្ឋ!

លោក អុឹង ឃាង បានច្រានចោលទាំងស្រុងទៅលើអង្គភាពវេបសាយមួយចំនួនដែលបានផ្សាយចោទប្រកាន់លោកថា  ជាអ្នកបំផ្លាញធនធានធម្មជាតិដែលជាសម្បត្តិរបស់រដ្ឋ!

(កោះកុង ថ្ងៃព្រហស្បតិ៍ ទី ២៤ខែវិច្ឆិកាឆ្នាំ២០២២)

លោក អុឹង ឃាង នៅក្នុងពេលថ្មីៗនេះលោកបានច្រានចោលទាំងស្រុង នៅរាល់ការចុះផ្សាយព័ត៌មានមិនពិតពីសំណាក់ អង្គភាពសារព័ត៌មានអនឡាញមួយចំនួនតូច ដែលបានធ្វើការចុះផ្សាយនៅព័ត៌មាន១  ដែលមួលបង្កាច់ បង្អាប់បង្អោន កិត្តិយសរបស់លោកក្រោមចំណងជើងថា  (សកម្មភាព បំផ្លាញព្រៃលិចទឹកនិងកោងកាងនៃតំបន់ប្រើប្រាស់ច្រើនយ៉ាងដងពែងនៅតែកំពុងបន្តហួសដែនច្បាប់អនុញ្ញាត ពីសំណាក់ជនខិលខូចងារជាឧកញ៉ា). ដែលស្ថិតនៅចំណុច ភូមិបានទៀត ឃុំដងពែងស្រុកស្រែអំបិល  ខេត្តកោះកុងនោះ។

ទាក់ទងទៅនឹងការចុះផ្សាយពីសំណាក់អ្នកសារព័ត៌មានអនឡាញមួយចំនួនតូចនោះ   លោក អុឹង ឃាង បានបកស្រាយបំភ្លឺឲ្យអ្នកយកព័ត៌មានយើងប្រចាំនៅខេត្តកោះកុងជាច្រើនអង្គភាពដឹងថា លោកពុំបានប្រព្រឹត្តដូចការចុះផ្សាយពីសំណាក់ក្រុមអ្នកយកព័ត៌មានអនឡាញមួយចំនួនតូចនោះទេ ហើយដីដែលលោកកំពុងតែប្រើប្រាស់និងអភិវឌ្ឍន៍ក្នុងពេលបច្ចុប្បន្ននេះ គឺជាដីកម្មសិទ្ធិស្របច្បាប់របស់លោកទេ ។ ហើយម្យ៉ាងវិញទៀតចំពោះការអភិវឌ្ឍន៍ក្នុងពេលបច្ចុប្បន្ននេះ គឺលោកមានច្បាប់ទម្លាប់យ៉ាងត្រឹមត្រូវចាប់ពីថ្នាក់មូលដ្ឋាន.ភូមិ.ឃុំ ស្រុករហូតដល់ថ្នាក់ខេត្ត និងមន្ទីរជំនាញដែលពាក់ព័ន្ធនានានោះដែរ។

លោក អុឹង ឃាង បានរៀបរាប់បញ្ជាក់ជាបន្តទៀតថា

.១.ដីជាកម្មសិទ្ធិស្របច្បាប់របស់លោក

២.សាឡុងបូមខ្សាច់ចាក់បំពេញអាច៍ដីគឺមានច្បាប់ទម្លាប់យ៉ាងត្រឹមត្រូវ។

៣.ចំណែកអាច៍ដីដែលបានចាក់បំពេញនោះ គឺលោកទិញពីក្រុមគ្រឿងចក្រដឹកដីលក់នោះទេ។

៤.លោកមិនបានទៅកាប់បំផ្លាញព្រៃលិចទឹកនិងកោងកាងតាមមាត់ព្រែកដែលជាសម្បត្តិរបស់រដ្ឋយកមកធ្វើជាកម្មសិទ្ធិនោះទេ។

លោក អុឹង ឃាង បានបញ្ជាក់ជាចុងក្រោយថា លោកមិនបានប្រព្រឹត្តអ្វីឲ្យខុសទៅនឹងច្បាប់ទម្លាប់ ដូចការចុះផ្សាយរបស់អ្នកព័ត៌មានមួយចំនួនតូចនោះទេ។  ហើយលោកធ្វើអ្វីៗក៏ធ្វើទៅតាមច្បាប់ទម្លាប់ដែលលោកមាននៅក្នុងដៃទាំងអស់នោះដែរ។  ដូច្នេះសូមសាធារណៈជនទូទៅកុំយល់ច្រឡំតាមការចុះផ្សាយរបស់អ្នកព័ត៌មាននោះអី។ ព្រោះការចុះផ្សាយបែបហ្នឹង គឺជាការបំពារបំពានសិទ្ធិអ្នកដទៃហើយ។

សូមអង្គភាពព័ត៌មានដែលបានចុះផ្សាយនៅព័ត៌មាននេះ  មេត្តាជួយសម្រួលចំពោះការផ្សាយចោទប្រកាន់មកលើរូបខ្ញុំបាទបែបនេះឡើងវិញផង៕

ដោយ ប៉ែន សំបូរ