ខេត្តឧត្ដរមានជ័យ៖ ថ្ងៃអង្គារ៍ ១០រោចខែមាឃ ឆ្នាំកុរ ឯកស័ ពុទ្ធសករាជ ២៥៦៣ ត្រូវនឹងថ្ងៃទី១៨ ខែកុម្ភៈ ឆ្នាំ២០២០ មន្ត្រី សាខាកាំកុងត្រូលខេត្តឧត្ដរមានជ័យបានសហការជាមួយ រថយន្តមន្ទីពិសោធន៍ និងរថយន្ដពិសោធន៍ប្រេងឥន្ទនៈ និងក៏មានការចូលរួមពីមន្ត្រីមន្ទីរពាណិជ្ជកម្មខេត្ដ និងអាជ្ញាធរដែនដី។
សមត្ថកិច្ចជំនាញបានអោយដឹងថា៖ ទី១៖ រថយន្ដមន្ទីរពិសោធន៍បានចុះត្រួតពិនិត្យនៅផ្សារ សំរោង ដើម្បីស្វែងរកសារធាតុគីមីហាមឃាត់។ មន្ដ្រីយើងបានយកសំណាកគំរូម្ហូបអារហារចំនួន ២៣មុខ រួមមាន បន្លែ ជ្រក់ នំបញ្ចុក ស្នៀតពោត ប្រហុក និងសសៃគុយទាវ មកធ្វើពិសោធន៍។ ជាលទ្ធផលពុំឃើញមានសារធាតុគីមីហាមឃាតឡើយ បន្ទាប់មកមន្ត្រីយើងបានធ្វើការណែនាំដល់អាជីវករ ពីសុវត្ថិភាពម្ហូបអារហារ និងការដាក់តាំងលក់អោយមានអនាម័យល្អ។
ទី២៖ រថយន្ដពិសោធន៍ប្រេងឥន្ទនៈ បានចុះត្រួតពិនិត្យតាមបណ្ដាស្ថានីយ៏ប្រេងមួយចំនួន នៅក្រុងសំរោងនិងស្រុកបន្ទាយអំពិល។
ជាលទ្ធផលចំនួន០៦ ទីតាំង។ បន្ទាប់ពីបានធ្វើការត្រួតពិនិត្យចប់សព្វគ្រប់ហើយ ជាលទ្ធផលយើងបានរកឃើញថា៖
– ស្ថានីយ/ដេប៉ូ ចំនួន០២ ទីតាំងមិនមានអនុលោមភាពទាំងផ្នែកគុណភាព និងបរិមាណ។
-ស្ថានីយ/ដេប៉ូ ចំនួន០៣ ទីតាំង មិនមានអនុលោមភាពផ្នែកបរិមាណ។
– ស្ថានីយ/ដេប៉ូ ចំនួន០១ទីតាំង មិនមានអនុលោមភាពផ្នែកគុណភាព។
ចំពោះថ្លៃលក់រាយ ស្ថានីយ/ដេប៉ូទាំងអស់ បានអនុវត្តត្រឹមត្រូវតាមសេចក្តីប្រកាសរបស់ក្រសួង៕ដោយ÷នាយក្តាម
