ផឹកស្រាស្រវឹង ទាស់ពាក្យសម្តីគ្នាបង្កហឹង្សាបណ្តាលអោយមនុស្សស្លាប់ម្នាក់និងរបួសធ្ងន់ម្នាក់ នៅស្រុកគីរីសាគរ!

ផឹកស្រាស្រវឹង ទាស់ពាក្យសម្តីគ្នាបង្កហឹង្សាបណ្តាលអោយមនុស្សស្លាប់ម្នាក់និងរបួសធ្ងន់ម្នាក់ នៅស្រុកគីរីសាគរ!

កោះកុង(ថ្ងៃសៅទី១៤ខែឧសភាឆ្នាំ២០២២)

ករណីឃាតកម្មមួយបានកើតមានឡើងកាលពីវេលាម៉ោង ២២ះ០០ យប់ថ្ងៃទី ១៣ ខែឧសភាឆ្នាំ២០២២កន្លងមកនេះដែលមានទីតាំងស្ថិតនៅក្នុង ភូមិ ពាមកាយ ឃុំ កោះស្ដេច ស្រុកគីរីសាគរ ខេត្តកោះកុង។

យកការលើកឡើងពីសំណាក់សមត្ថកិច្ចដែលប្រចាំការនៅមូលដ្ឋានផឹកក្នុងភូមិឃុំស្រុកខ្មែរលើបានបញ្ជាក់ឲ្យដឹងថា នៅក្នុងករណីឃាតកម្មនេះបានបណ្ដាលឲ្យបុរសម្នាក់ស្លាប់បាត់បង់អាយុជីវិតភ្លាមៗនៅនឹងកន្លែងកើតហេតុនិងបុរស១នាក់ផ្សេងទៀត រងរបួសយ៉ាងធ្ងន់ដោយសារតែទំនាស់ពាក្យសម្ដីរវាងគ្នានិងគ្នាក្នុងពេលដែលផឹកស្រាជួបជុំគ្នាក្រោយពីសម្រាកពីកិច្ចការងារ។

យោងតាមការលើកឡើងពីសំណាក់មន្ត្រីនគរបាលប្រចាំមូលដ្ឋានបានរៀបរាប់ឲ្យដឹង ជាបន្តទៀតថា ជនល្មើសនៅក្នុងករណីឃាតកម្មនេះគឺមានឈ្មោះ សៀន ស៊ីន ភេទប្រុសអាយុជាង 40 ឆ្នាំជនជាតិខ្មែរមុខរបរជាកម្មករលីសែងមានទីលំនៅនៅ ស្រុក ពារាំងខេត្តព្រៃវែង ចំណែកឯជនរងគ្រោះទីមួយដែលបានស្លាប់បាត់បង់អាយុជីវិតនោះគឺមាន

ឈ្មោះឌឹម.សម្បត្តិ ភេទប្រុសអាយុ៤២ឆ្នាំជនជាតិខ្មែរ មុខរបរជា កម្មករ មានទីលំនៅ ភូមិសាមគ្គី ឃុំព្រែកផ្នៅ ស្រុកពារាំង ខេត្តព្រៃវែង បានស្លាប់ភ្លាមៗ នៅនឹងកន្លែងកើតហេតុ។

២.ឈ្មោះ ទាន កែវ ភេទប្រុសអាយុជាង៣០ឆ្នាំជនជាតិខ្មែរ មុខរបរជាកម្មករ មានទីលំនៅស្រុកពារាំង ខេត្តព្រៃវែង រងរបួសធ្ងន់។

ក្រោយពីកើតហេតុរួចជនបង្កដែលមានឈ្មោះសៀន ស៊ីន ត្រូវបានរត់គេចខ្លួនបាត់ស្រមោលតែម្ដង។ ចំណែកឯជនរងគ្រោះដែលរងរបួសយ៉ាងធ្ងន់ធ្ងរនោះ ត្រូវបានអាជ្ញាធរមូលដ្ឋានបញ្ជូនទៅជួយសង្គ្រោះអាយុជីវិតឯមន្ទីរពេទ្យបង្អែកស្រុកគីរីសាគរ ខេត្តកោះកុង ។

បច្ចុប្បន្នសមត្ថកិច្ចកំពុងតែដុតដៃដុតជើងតាមរកឃាតករក្នុងករណីឃាតកម្មនេះយកមកផ្ដន្ទាទោសតាមច្បាប់ឲ្យទាល់តែបាន ចំណែកឯសាកសពជនរងគ្រោះត្រូវបានសមត្ថកិច្ចរក្សាទុកដើម្បីរង់ចាំសាច់ញាតិមកទទួលយកទៅធ្វើបុណ្យឯស្រុកកំណើតតាមប្រពៃណី៕

ដោយ.ប៉ែន.សំបូរ