ស្ត្រីម្នាក់បានបើកម៉ូតូទៅបុកសត្វក្របីដែលម្ចាស់លេងចោលឱ្យដើរតាមផ្លូវជាតិនាពេលយប់រងរបួសយ៉ាងធ្ងន់ធ្ងរ។
កោះកុង (ថ្ងៃសៅទី១៤ខែឧសភាឆ្នាំ២០២២)
នារីម្នាក់បានរងរបួសយ៉ាងធ្ងន់ធ្ងរក្រោយពីបើកម៉ូតូទៅបុកសត្វក្របីដែលកំពុងតែដើរឆ្លងផ្លូវនាពេលយប់បណ្ដាលឲ្យជួបគ្រោះថ្នាក់របួសយ៉ាងធ្ងន់ធ្ងរ។ឧប្បត្តិហេតុនេះបានកើតឡើងកាលពីវេលាម៉ោង៨ និង៣០នាទីនៅយប់ថ្ងៃទី១៣ ខែឧសភាឆ្នាំ២០២២កន្លងទៅនេះ ដែលមានទីតាំងស្ថិតតាមបណ្ដោយផ្លូវជាតិលេខ 48 ចំណុចភូមិ.នាងកុក.ឃុំបាក់ខ្លងស្រុកមណ្ឌលសីមាខេត្តកោះកុង។
នារីរងគ្រោះនៅក្នុងហេតុការណ៍គ្រោះថ្នាក់ចរាចរណ៍នេះនេះត្រូវបានគេស្គាល់ថា គឺមាន ឈ្មោះទិត.ធី.អាយុ ២៣ ឆ្នាំមានទីលំនៅនៅសង្កាត់ស្ទឹងវែងក្រុងខេមរភូមិមិន្ទខេត្តកោះកុង។
យោងតាមការរៀបរាប់ពីសំណាក់ពលរដ្ឋដែលបានឃើញហេតុការណ៍ក្នុងករណីគ្រោះថ្នាក់ចរាចរណ៍នេះ បានឲ្យដឹងថានៅមុនពេលកើតហេតុគេបានឃើញនារីរងគ្រោះជិះម៉ូតូម៉ាកវ៉េវចាស់ធ្វើដំណើរពីឃុំបាក់ខ្លងឆ្ពោះទៅកាន់សង្កាត់ស្ទឹងវែងក្រុងខេមរភូមិមិន្ទខេត្តកោះកុង លុះទៅដល់ចំណុចកើតហេតុខាងលើ គាប់ជួនជាមានសត្វក្របីមួយហ្វូងដែលម្ចាស់លែងអោយដើរតាមផ្លូវយ៉ាងអាណាធិបតេយ្យហើយដោយនារីរងគ្រោះបើកម៉ូតូក្នុងល្បឿនលឿនទៀតផងនោះ។ទើបធ្វើឱ្យចាប់ប្រាំងមិនទាន់ជ្រុលទៅបុកសត្វក្របីដែលកំពុងតែដើរឆ្លងផ្លូវ ក៏បណ្ដាលឲ្យជួបគ្រោះថ្នាក់បួសយ៉ាងធ្ងន់ធ្ងរតែម្តងទៅ។
នៅក្នុងហេតុការណ៍នេះបន្ទាប់ពីបានឃើញនារីរងគ្រោះ រងរបួសធ្ងន់ធ្ងរពេកទាំងពលរដ្ឋនិងសមត្ថកិច្ចរួមជាមួយនឹងអាជ្ញាធរដែនដីក៏បានខ្នះខ្នែងញាប់ដៃញាប់ជើង បញ្ជូនជនរងគ្រោះទៅកាន់មន្ទីរពេទ្យបង្អែកខេត្តដើម្បីសង្គ្រោះអាយុជីវិតជាបន្ទាន់ ចំណែកម៉ូតូជនរងគ្រោះត្រូវបានកម្លាំងសមត្ថកិច្ចប៉ុស្តិ៍នគរបាល ឃុំប៉ា់ខ្លង យកទៅរក្សាទុកជូនជនរងគ្រោះវិញ ចំណែកឯម្ចាស់សត្វក្របីត្រូវអាជ្ញាធរដែនដីនិងសមត្ថកិច្ចកំពុងតាមរកម្ចាស់ដែលលេងសត្វក្របីអោយដើរយ៉ាងអនាធិបតេយ្យតាមដងផ្លូវនាពេលយប់ដើម្បីយកមកដោះស្រាយជាមួយនឹងជនរងគ្រោះទៅតាមនីតិវិធីនៃច្បាប់ឲ្យទាល់តែបាន។
ពលរដ្ឋដែលរស់នៅក្នុងខេត្តកោះកុងទាំងមូលក៏ដូចជាភ្ញៀវជាតិនិងអន្តរជាតិដែលបានធ្វើដំណើរតាមទ្រូងផ្លូវជាតិលេខ ៤៨ និង តាមផ្លូវលំនានា សូមសំណូមពរដល់អាជ្ញាធរដែនដីនិងសមត្ថកិច្ចគ្រប់លំដាប់ថ្នាក់មេត្តា ជួយយកចិត្តទុកដាក់ឲ្យបានល្អប្រសើរផង ចំពោះម្ចាស់ចិញ្ចឹមសត្វមួយចំនួនតូចដែលនៅតែពុំព្រមស្ដាប់តាមការណែនាំអប់រំរបស់អាជ្ញាធរដែនដី យកមកផាកពិន័យដើម្បីឲ្យរាងចាលកុំឲ្យចេះតែព្រលែងសត្វដែលខ្លួនចិញ្ចឹមពាសវាលពាសកាលជាពិសេសតាមទ្រូងផ្លូវជាតិនេះតែម្ដងពីព្រោះវាអាចបណ្ដាលឲ្យអ្នកធ្វើដំណើរតាមផ្លូវជាតិក៏ដូចជាផ្លូវលំជួបនូវឧប្បត្តិហេតុគ្រោះថ្នាក់ដែលកើតមានឡើងជាញឹកញាប់ដោយសារតែតែសត្វគោក្របីដើរពាសវាលពាសកាលតាមទ្រូងផ្លូវយ៉ាងដូច្នេះឯង៕
ដោយ.ប៉ែន.សំបូរ
