រដ្ឋបាលខេត្តក្រចេះ ចេញសេចក្ដីជូនដំណឹងដល់ប្រជាពលរដ្ឋដែលគៀងគរគ្នាចូលកាន់កាប់ដីក្រុមហ៊ុនមួយកន្លែងឱ្យបញ្ឈប់សកម្មភាពជាបន្ទាន់
(ក្រចេះ)÷ ការជូនដំណឹងរបស់រដ្ឋបាលខេត្តក្រចេះ ក្រោយពីមានពលរដ្ឋរជាច្រើននាក់បានគៀងគរគ្នា ធ្វើសកម្មភាដើរវាស់វែងដីក្រុមហ៊ុនមួយកន្លែង ស្ថិតក្នុងស្រុកសំបូរ ខេត្តក្រចេះ យកធ្វើជាកម្មសិទ្ឋបុគ្គល និងបានយកដីក្រុមហ៊ុននោះ លក់បន្តគ្នាពីមួយទៅមួយ។
ជាមួយនិងការចូលទន្ទ្រាន កាប់កាប់ដីក្រុមហ៊ុនសម្បទានសេដ្ឋកិច្ចCHPB ដោយខុសច្បាប់ពីសំណាក់ពលរដ្ឋជាច្រើនគ្រួសារ រដ្ឋបាលខេត្តក្រចេះ ក៍បានចេញសេចក្ដីជូនដំណឹងជាបន្ទាន់មួយ ដោយចុះហត្តលេខាដោយឯកឧត្តម វ៉ា ថន អភិបាលខេត្តក្រចេះ ដោយជម្រាប់ជូនសាធារណជន មន្ទីរអង្គភាព អាជ្ញាធរមូលដ្ឋាន និងប្រជាពលរដ្ឋដែលមានការពាក់ព័ន្ធឱ្យបញ្ឈប់សកម្មភាពនេះជាបន្ទាន់។
សេចក្ដីជូនដំណឹងរបស់សាលាខេត្តក្រចេះបានឲ្យដឹងថា កន្លងមកក្រុមការងារចម្រុះថ្នាក់ ខេត្ត ស្រុក ឃុំ រួមជាមួយក្រុមការងាររបស់ក្រសួងកសិកម្មរុក្ខាប្រមាញ់ និងនេសាទបានចុះវាស់និងកាត់ចេញនូវផលប៉ះពាល់ដីស្រែចំការរបស់បងប្អូនប្រជាពលរដ្ឋក្នុងទីតាំងដីក្រុមហ៊ុនសម្បទានសេដ្ឋកិច្ចCHPB ក្នុងឃុំកំពងចាម ឃុំវឌ្ឍនះ ស្រុកសំបូរ និងឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ ព្រមទាំងអនុញ្ញាត្តឲ្យក្រុមហ៊ុនកាយក្រវ៉ាតព្រំ ដែលនៅសេសសល់ដើម្បីចុះបញ្ជីជាដីឯកជនរបស់របស់។
ក៍ប៉ុន្តែនៅពេលថ្មីៗនេះមានមេខ្យល់បានចុះទៅឃោសនា គៀងគរអូសទាញប្រជាពលរដ្ឋឲ្យចូលទន្ទ្រាន់បោះបង្គោលដីរដ្ឋ នៅក្នុងក្រវ៉ាត់ដីដែលបានកាយរួចយ៉ាងអនាធិបតេយ្យ។
ជាក់ស្ដែងនៅថ្ងៃទី៥ ខែ ឧសភានេះ លោក កៅម៉ាឌីឡែនប្រធានមន្ទីរ នគរូបនីយកម្ម សំសង់ និងសុរិយោដីខេត្រក្រចេះ បានដឹកនាំក្រុមការងារចុះដល់ទីតាំងដែលកំពុងមានវិវាទ។
លោកកៅ ម៉ាឌីឡែន បានឲ្យដឹងថា ថ្មីៗនេះមេខ្យល់គៀងគរប្រជាពលរដ្ឋទៅបោះបង្គោលយកដី នៅក្នុងក្រវ៉ាតព្រំដីយ៉ាងអនាធិបតេយ្យសូមបញ្ឍប់ជាបន្ទាន់។
លោកប្រធានមន្ទីរបានលើកឡើងថាទង្វើនេះជាទង្វើខុសច្បាប់ ហើយអាជ្ញាធរមានសមត្ថកិច្ច និងចាត់ទុកជាសកម្មភាពញួសញុងបង្កផលប៉ះពាល់ដល់សន្តិសុខសង្គម។
លោក យុន គីម មេឃុំវឌ្ឍនះ បានបញ្ជាក់ថា មនុស្សដ៍សំខានក្នុងការគៀងគរប្រជាពលរដ្ឋឲ្យចូលកាន់កាប់ដីដោយខុសច្បាប់មានឈ្មោះ គែន អុល រស់នៅឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ។
លោកមេឃុំបន្តទៀតថា បុគ្គលរូបនេះបានដើរវាស់ដីលក់ឲ្យប្រជាពលរដ្ឋដោយមួយក្បាលដីទំហំ៥០ម៉ែត្រក្នុងតំលៃ១លានរៀល ក្បាល១០០ម៉ែត្រ២លានរៀល ដោយដើរបង្ហាញ និងបោះបង្គោលកំណត់ចំណាំតាមម្ចាស់រៀងម្ចាស់ដីរៀងៗខ្លួន។
