សមត្ថកិច្ចឃាត់ខ្លួនម្តាយចិត្តអប្រិយនាំកូនស្រីយកឱ្យមនុស្សប្រុសរំលោភបានសម្រេច
ខេត្តកំពង់ស្ពឺ៖ សមត្ថកិច្ចនគរបាលស្រុកឧដុង្គធ្វើការឃាត់ខ្លួន ម្តាយចិត្តអប្រិយ និងមនុស្សប្រុសម្នាក់ទៀតភ្លាមៗ ខណៈដែលម្តាយចិត្តតិរិច្ឆានរូបនេះ បាននាំកូនស្រីរបស់ខ្លួនអាយុទើបតែ១៣ឆ្នាំ ឱ្យមនុស្សម្នាក់រំលោភរហូតបានសម្រេច ហើយកូនស្រីរត់ទៅប្តឹងសមត្ថកិច្ច។
ហេតុការឃាត់ខ្លួនម្តាយចិត្តតិរិច្ឆាន និងជនល្មោភកាមខាងលើនេះបានកាលពីព្រឹកថ្ងៃទី២១ ខែមីនា ឆ្នាំ២០២២ នៅក្នុងភូមិចិនដាំម្លូរ ឃុំវាំចាស់ ស្រុកឧដុង្គ ខេត្តកំពង់ស្ពឺ។
នគរបាលស្រុកបាននិយាយឱ្យដឹងថាជនសង្ស័យដែលឃាត់ខ្លួន ទី០១.មានឈ្មោះ ពេជ្រ ស្រីអ៊ី ភេទស្រី អាយុ២៨ឆ្នាំ មុខរបរមិនពិតប្រាកដ រស់នៅភូមិចិនដាំម្លូរ ឃុំវាំងចាស់ ស្រុកឧដុង្គ(ជាម្តាយ និងជា អ្នកផ្តល់ទីតាំងរំលោភសេពសន្ថវៈកូនខ្លួន) និងទី០២.មានឈ្មោះ សេក ណារិន ភេទប្រុស អាយុ៣៧ឆ្នាំមុខរបរមិនពិតប្រាកដ រស់នៅភូមិព្រៃក្រឡៅ ឃុំត្រពាំងព្រះ ស្រុកព្រៃឈរ ខេត្តកំពង់ចាម (ជាជនល្មោភកាម ពាក់ព័ន្ធករណីរំលោភ)។
នគរបាលស្រុកថាបានជាសមត្ថកិច្ចឃាត់ខ្លួនមនុស្សប្រុសស្រីពីរនាក់ពាក់ព័ន្ឋករណីរំលោភសេពសន្ថវះក្មេងស្រីម្នាក់ទើបតែមានអាយុ១៣ឆ្នាំ មានឈ្មោះ ម.ស.ន ។
នគរបាលស្រុកបានបន្តទៀតថា នៅមុនពេលកើតហេតុ ស្រ្តីជាម្តាយនិងបុរសឈ្មោះ សេក ណារិន អាយុ៣៧ឆ្នាំ នៅភូមិព្រៃក្រឡៅ ឃុំត្រពាំងព្រះ ស្រុកព្រៃឈរ ខេត្តកំពង់ចាម ស្គាល់គ្នា។ ស្រាប់តែម្តាយចិត្តតិរិច្ឆាន បែរជារៀបចំ និងផ្តល់ទីតាំង ឱ្យបុរសខាងលើ រំលោភសេពសន្ថវៈ លើឈ្មោះ ម.ស.ន ភេទស្រីអាយុ១៣ឆ្នាំត្រូវជាកូនស្រីបង្កើតរបស់ស្រីសង្ស័យឈ្មោះពេជ្រ ស្រីអ៉ី រស់នៅក្នុងភូមិឃុំកើតហេតុខាងលើទៅវិញ។ ក្រោយពីធ្វើសកម្មភាពរួច ក្មេងស្រីរងគ្រោះបានដាក់ពាក្យបណ្តឹងឱ្យសមត្ថកិច្ចជួយរកយុត្តិធម៌។
ប្រភពពីនគរបាលបានបន្តទៀតថាក្រោយពីរសាកសួរជនសង្ស័យទាំងពីររួចរាល់ហើយបានបញ្ជូនទៅស្នងការដ្ឋាននគរបាលខេត្តកំពង់ស្ពឺកសាងសំណុំរឿរឿងអនុវត្តន៍តាមនីតិវិធ៕
