ខេត្តសៀមរាប,ថ្ងៃទី១៧ ខែមីនា ឆ្នាំ២០២២៖
ហេតុការណ៍នេះបានកើតឡើង កាលពីថ្ងៃទី១៦ ខែមីនា ឆ្នាំ២០២២ នៅចំណុចរណ្ដៅដី អេង សុខហ្គិច ស្ថិតក្នុងភូមិតាចក សង្កាត់ស្រង៉ែ ក្រុងសៀមរាប ខេត្តសៀមរាប។
សមត្ថកិច្ចខេត្តសៀមរាបបានឲ្យដឹងថាករណី គ្រោះថ្នាក់ចរាចណ៍នេះបង្កឡើងដោយខ្លួនឯង។ពោលគឺបើកឡានធ្លាក់ចូលរណ្តៅដីដោយឡានដឹកដីមិនស្គាល់ម៉ាកបើកបរដោយជនរងគ្រោះឈ្មោះ ស៊ុយ ស៊ីហ៊ិញ ភេទប្រុស អាយុ៤១ ឆ្នាំ មុខរបរបើកឡានដឹកដី រស់នៅភូមិថ្នល់ សង្កាត់ស្រង៉ែ ក្រុងសៀមរាប (អ្នកបើកបរស្លាប់)។ អ្នករួមដំណើរជាមួយត្រូវជាប្រពន្ធរងរបួសស្រាលឈ្មោះ ភុន ផល្លា ភេទស្រី អាយុ៣៧ឆ្នាំ មុខរបរអ៊ុតសក់ រស់នៅភូមិថ្នល់ សង្កាត់ស្រង៉ែ ក្រុងសៀមរាប។
សមត្ថកិច្ចបានបន្តថាមូលហេតុមានជម្លោះជាមួយប្តីប្រពន្ធនៅក្នុងឡានក៏រេចង្កូតឡានធ្លាក់ចូលក្នុងរណ្ដៅដីតែម្ដង។បច្ចុប្បន្នៈសពបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី។
បើតាមប្រភពពីពលរដ្ឋបានលើកឡើងថារណ្ដៅដីរបស់លោកស្រី អេង សុខហ្គិច មានជម្រៅជ្រៅ ហួសពីលិខិតអនុញ្ញាត ប៉ុន្តែអាជ្ញាធរជំនាញពាក់ព័ន្ធមិនអាចទប់ស្កាត់ឈ្មួញកាយដីរបស់ លោកស្រីអេង សុខហ្គិច បានឡើយ។ប្រជាពលរដ្ឋរស់នៅតំបន់នេះបានសំណូមពរដល់អាជ្ញាធរពាក់ព័ន្ធគ្រប់ជាន់ថ្នាក់មេត្តាចុះត្រួតពិនិត្យរណ្ដៅដីដ៏ធំមហិមាមួយនេះផង ជៀសវាងមានករណីគ្រោះថ្នាក់ជាបន្តទៅទៀត៕
