- សមត្ថកិច្ចបំបែកសំណុំរឿងឃាត កម្មសម្លាប់ប្រធានក្រុមតន្ត្រីសម័យ
ឃាត់ខ្លួនជនសង្ស័យចំនួន៣នាក់
កំពង់ឆ្នាំង សមត្ថកិច្ចនគរបាលខេត្តកំពង់ឆ្នាំង បានបំបែកសំណុំរឿង ឃាតកម្មសម្លាប់ប្រធានក្រុមតន្ត្រីសម័យបានហើយបន្ទាប់ពីបាត់ ខ្លួន១២ថ្ងៃមុន ។ ក្នុងករណីនេះសមត្ថកិច្ចនគរបាលខេត្តដែលសុំមិនឲ្យបញ្ចេញឈ្មោះបានបង្ហើបឲ្យដឹងថា ជនសង្ស័យចំនួន ៣នាក់ ត្រូវបានឃាត់ខ្លួនទាក់ទងនិងឃាត កម្មខាងលើនេះ ។
ជនរងគ្រោះមាន ឈ្មោះ ចាន់ គៀន អាយុ ជាង៥០ ឆ្នាំ មានទីលំនៅភូមិឧទុម្ពរ ឃុំស្វាយជ្រុំ ស្រុករលាប្អៀរ បានបាត់ខ្លួនកាលពីយប់ថ្ងៃទី ២៧ ខែមិថុនា ឆ្នាំ២០២១ ខណៈដែល រូបគាត់ជិះរថយន្តផ្ទាល់ខ្លួនម៉ាកតាកូម៉ា ពណ៌ខ្មៅពាក់ស្លាកលេខ កំពង់ ឆ្នាំង 2A. 2626 មកកាន់ខេត្តកំ ពង់ឆ្នាំង រួចក៏បាត់ខ្លួនរហូតមក ។
ដោយឡែកកន្លងមកបុរសរងគ្រោះបានមានសម្ព័ន្ធស្នេហាជាមួយបុរសភេទទីបីម្នាក់ដែលធ្វើការនៅក្នុងហាងការាអូខេមួយនៅក្នុងក្រុងកំពង់ឆ្នាំង ។ ក្រោយពីសមត្ថកិច្ចទទួលបានពាក្យបណ្ដឹងរបស់កូនជនរងគ្រោះ សមត្ថកិច្ចក៏បានធ្វើការស្រាវជ្រាវយ៉ាងយកចិត្តទុកដាក់ក្រោយមកក៏បានរកឃើញរថយន្តជនរងគ្រោះនៅក្នុងទីក្រុងភ្នំពេញនឹងក៏បានឃាត់ខ្លួនបុរសពីរនាក់ដែលជាអ្នកទិញរថយន្តជនរងគ្រោះនោះផងដែរ។
តាមចម្លើយសារភាពរបស់បុរសជាអ្នកទិញរថយន្តខាងលើនេះនិយាយថាគេបានទិញពីបុរសម្នាក់ទៀតជាភាគទី ៣ម្នាក់ ដែលបាននិយាយថារថយន្តនេះគ្មានពន្ធនោះទេ។
តាមការផ្ដល់ព័ត៌មានពីអ្នកទិញរថយន្តខាងលើនេះសមត្ថកិច្ចក៏បន្តការស៊ើបអង្កេត ទើបឈានទៅដល់ការចាប់ខ្លួនជនដៃដល់ម្នាក់ (តាមលេខទូរស័ព្ទ តែសមត្ថកិច្ចមិនទាន់ប្រាប់ឈ្មោះទេ) នៅថ្ងៃទី ៨ ខែកក្ក ដា នៅទីក្រុងភ្នំពេញ ។
ក្រោយពីការសួរចម្លើយជនដៃដល់នោះទើបដឹងថា កន្លែងដែលជនដៃដល់សម្លាប់ជនរងគ្រោះគឺនៅក្នុងផ្ទះសំណាក់មួយកន្លែងក្នុងក្រុងកំពង់ឆ្នាំង ដែលនៅពីមុចបន្ទប់ជួលនោះមានបាំងវាំងននបិទរថយន្តជិតដែលចតនៅពីមុខបន្ទប់ជាហេតុងាយស្រួល គឺនៅពេលគេធ្វើសក ម្មភាពសម្លាប់ជនរងគ្រោះក្នុងបន្ទប់ហើយលើកសពជនរងគ្រោះដាក់ លើរថយន្តវិញ គ្មានអ្នកណាឃើញឡើយ។
ក្រោយពីបានសម្លាប់ជនរងគ្រោះរួចមកទើបគេយកសពជនរងគ្រោះដឹកតាមរថយន្តយកទៅបោះចោលនៅព្រែកសំរោង ក្នុងក្រុងតាខ្មៅខេត្តកណ្ដាល ។ តាមការសន្និដ្ឋានសពបុរសរងគ្រោះដែលជនដៃដល់បោះ ចោលក្នុងព្រែកយូរថ្ងៃបែបនេះប្រហែលជាត្រូវលិចទៅបាតព្រែកហើយប្រហែលជាមិនអាចរកឃើញនោះទេ ។
(បញ្ជាក់ព័ត៌មាននេះគឺទទួលបានពីសមត្ថកិច្ចជាមិត្តភ័ក្រ្ត តែគេមិនឲ្យបញ្ចេញឈ្មោះ ព្រោះនៅបន្តស៊ើបអង្កេតរកអ្នកពាក់ព័ន្ធទៀតនៅឡើយ)
កំពង់ឆ្នាំងថ្ងៃទី០៩ ០៧ ២០២១
