ទីតាំងដាំដំណាំកញ្ឆាចំនួន៦ទីតាំងទៀតត្រូវបានសមត្ថកិច្ចស្រុកគីរីវង់ចុះកាប់បំផ្លាញ

ទីតាំងដាំដំណាំកញ្ឆាចំនួន៦ទីតាំងទៀតត្រូវបានសមត្ថកិច្ចស្រុកគីរីវង់ចុះកាប់បំផ្លាញ
តាកែវ៖ កាលពីចុងសប្តាហ៏នេះសមត្ថកិច្ចស្រុកគីរីវង់ខេត្តតាកែវនៅតែបន្តរុករកការលួចលាក់ដាំដំណាំកញ្ឆាខុសច្បាប់នៅតាមជួរភ្នំ នៅក្នុងស្រុកគីរីវង់ ខេត្តតាកែវ ដោយបានកាប់បំផ្លាញ់ដំណាំកញ្ឆាលើផ្ទៃដីប្រមាណជា ១៤១២ម៉ែត្រការេ ។
សូមបញ្ជាក់ផងដែរថា ការចុះរុករកទីតាំងលួចលាក់ដាំដំណាំកញ្ឆាខុសច្បាប់នេះ គឺនៅតែមានជនខិលខូចនៅតែបន្តលួចដាំដំណាំនេះ ហើយទីតាំងកន្លែងដាំកញ្ឆាគឺឋិតនៅក្នុងភូមិសាស្ត្រនៅតាម ចង្កេះភ្នំ ជ្រលងភ្នំ ជាច្រើននៅឃុំព្រះបាទជាន់ជុំ ស្រុកគីរីវង់ ខេត្តតាកេវ ដែលជាភូមិសាស្ត្រមួយដែលអំណោយផលឲជនខិលខូចទាំងនោះងាយនិងមានឱកាសលួចលាក់ដាំណាំខុសច្បាប់នេះ ។ ការចុះកាប់ដំណាំកញ្ឆានេះគឺមានការបញ្ជាយ៉ាងម៉ឺងម៉ាត់ពីសំណាក់លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ ទៅកាន់លោកអធិការស្រុកគីរីវង់ ត្រូវធ្វើយ៉ាងណាលុបបំបាត់ការលួចលាក់ដាំដំណាំកញ្ឆានៅមូលដ្ឋានស្រុកគីរីវង់ឲអស់ និងបន្តស្វែងរកជនល្មើសចាប់យកមកផ្តន្ទាទោសទោសទៅតាមច្បាប់ ។តាកែវ