ស្នងការដ្ឋាននគរបាលខេត្តកំពង់ស្ពឺប្រកាស់រកក្រុមគ្រួសារសពជនបរទសម្នាក់

កំពង់ស្ពឺ: សមត្ថកិច្ចខេត្តកំពង់ស្ពឺប្រកាស់រកក្រុមគ្រួសារជនបរទេសម្នាក់ដែលបានស្លាប់មិនស្គាល់អត្តសញ្ញាណនៅក្នុងមន្ទីរពេទ្យបង្អែកខេត្តកំពង់ស្ពឺ។
លោកឧត្តមសេនីយ៍ត្រី សម ស័ក្ក ស្នងការងទទួលផែនព្រហ្មទណ្ឌបានឲ្យក្រុមអ្នកយកព័ត៌មានកាពីព្រឹកថ្ងៃទី១៧ខែកម្ភ:ឆ្នាំ២០២៦នេះថាជនបរទេសម្នាក់បានស្លាប់នៅក្នុងមន្ទីរពេទ្យបង្អែកខេត្តកំពង់ស្ពឺ ដោយមិនមានអ្នកស្គាល់អត្តសញ្ញាណជនរងគ្រោះ ទើបក្នុងនាមលោកជាសមត្ថកិច្ច សម្រេចប្រកាស់រកក្រុមគ្រួសារ។
លោកបានបន្តថាសពជនរងគ្រោះ ភេទប្រុស អាយុប្រហែលជាង៣០ឆ្នាំ ថ្ងៃខែឆ្នាំកំណើត លិខិតឆ្លងដែនគ្មាន ទីលំនៅបច្ចុប្បន្នមិនស្គាល់។
ហើយសមត្ថកិច្ចជំនាញនៃស្នងការដ្ឋាននគរបាលខេត្តបានទៅពិនិត្យសាកសាពជនរងគ្រោះមាន ស្លាកស្នាមវត្ថុតាងប្រមូលចាប់យក ផ្តិតយកក្រយៅដៃម្រាមទាំង១០
ក្រោយពីការទទួលពត័មាននៅវេលាម៉ោង៦និង០០នាទីថ្ងៃទី១៥ខែកុម្ភះឆ្នាំ២០២៦ លោកវេជ្ជបណ្ឌិត ឡុង ពិសិដ្ឋ ប្រធានមន្ទីពេទ្យបង្អែកខេត្តកំពង់ស្ពឺបានរាយការណ៍មកការិយាល័យថាមានជនបរទេសស្លាប់ក្នុងមន្ទីពេទ្យ នឹងមានការសម្របសម្រួលពីលោក ចក សម្បត្តិ ព្រះរាជអាជ្ញារងអមសាលាដំបូង ការិយាល័យបានចុះទៅដល់កន្លែងកើតហេតុផ្ទាល់ក្នុងមន្ទីពេទ្យបង្អែកខេត្ត
រឿងហេតុ
យោងតាមការបំភ្លឺរបស់ឈ្មោះ ផល សំរេច ភេទប្រុស អាយុ ៤៣ឆ្នាំ មុខរបរមន្រ្ដីកិច្ចសន្យាមន្ទីសាធារណការខេត្តកំពង់ស្ពឺបានអោយដឹងថាកាលទី១១ខែកុម្ភះឆ្នាំ២០២៦វេលាម៉ោងប្រហែលម៉ោង១រសៀលរូបខ្ញុំកំពុងបំពេញការងារនៅផ្នែកទទួលពត៍មានឆៀកនឹងត្រួតពិនិត្យយានយន្ដ ក្នុងមន្ទីសាធារការខេត្តកំពង់ស្ពឺក្រោយមកក៏មានជនបរទេសមិនស្គាល់អត្តសញ្ញាណម្នាក់ភេទប្រុសមានភិនភាគរាងស្គមក្បាលទំពេកពុកមាត់ស្រម៉ូមពាក់អាវយឺតដៃខ្លីពណ៍សស្លៀកខោជើងវែងសាច់ក្រណាត់ពណ៍ខ្មៅបានសួរខ្ញុំជាភាសាខ្មែរថាបន្ទប់ទឹកនៅឯណាខ្ញុំក៏ចង្អុលប្រាប់ថានៅទិសខាងកើតនៃអគារឆៀកក្រោយមកជនបរទេសនោះដើរចូលមកតាមអគារឆៀកទិសខាងកើតចំនែករូបខ្ញុំក៏នៅបំពេញការងារធម្មតាពុំបានឃើញសកម្មភាពរបស់ជនបរទេសនោះបន្តទៀតទេលុះមកដល់ម៉ោង១៥:០០នាទីខ្ញុំបាទបានទទួលពត៍មានបុគ្គលិកដែលធ្វើការជាមួយគ្នានិយាយថាឃើញជនបរទេសនោះដេកស្ដូកស្ដឹងក្នុងបន្ទប់ទឹកក្រោយមកខាងមន្ទីសារធារណការបានរាយការណ៍ជូនសមត្តកិច្ចពេលសមត្ថកិច្ចមកដល់ក៏បានហៅរថយន្តសង្គ្រោះបន្ទាន់របស់មន្ទីពេទ្យបង្អែកខេត្តកំពង់ស្ពឺដឹកយកទៅមន្ទីពេទ្យ។
តាមការពិនិត្យសាកសពសពតម្កល់នៅក្នុងសាលរក្សាសពរបស់មន្ទីពេទ្យ
សពជាមនុស្សប្រុសពាក់អាវយឺតពណ៍ស ស្លៀកខោទឹកនោម កម្ពស់១.៧៥
សពមានសភាពរឹង មានក្លិនស្អុយតិចៗ
ស្លាកស្នាមផ្នែកក្បាលមានស្នាមជាំលលាដក្បាលផ្នែកខាងក្រោយទំហំ១១cmx៦cm ដងខ្លួននិង អវយវៈពុំមានស្លាកស្នាមអ្វីគួរអោយកត់សម្គាល់
ការសន្និដ្ឋាន
យោងតាមលិខិតមរណភាពរបស់មន្ទីពេទ្យបង្អែកខេត្តកំពង់ស្ពឺចុះថ្ងៃទី១៥ខែកុម្ភះឆ្នាំ២០២៦បានសន្និដ្ឋានថាសពស្លាប់ដោយប៉ះទង្គិចក្បាលផ្នែកខាងក្រោយធ្ងន់ធ្ងរសពក្រោយពិនិត្យចប់ត្រូវបានរក្សាទុកសាលរក្សាសពក្នុងមន្ទីពេទ្យបង្អែកខេត្តកំពង់ស្ពឺ៕
ដោយ:KH SP |កំពង់ស្ពឺ|អំណាចព័ត៌មាន|រូបថតសមត្ថកិច្ច