ឃាត់ខ្លួនជនសង្ស័យ៣នាក់ចែកចាយប្រើប្រាស់គ្រឿងញៀន៣ថង់ធំ

ឃាត់ខ្លួនជនសង្ស័យ៣នាក់ចែកចាយប្រើប្រាស់គ្រឿងញៀន៣ថង់ធំ
បន្ទាយមានជ័យ៖ឃាត់ខ្លួនជនសង្ស័យ៣នាក់ចែកចាយប្រើប្រាស់គ្រឿងញៀន៣ថង់ធំដែលឃាត់នៅវេលាម៉ោង៥,៣០នាទីល្ងាចថ្ងៃទី៣០ ខែមិថុនា ឆ្នាំ២០២១នៅចំណុចវាលស្រែប្រឡាយឯកភាពស្ថិតភូមិពង្រ ឃុំបន្ទាយនាង ស្រុកមង្គលបូរី។
លោកវរៈសេនីយ៍ឯក ស៊ីន ណារ៉ាក់ អធិការនគរបាលស្រុកមង្គលបូរីបានប្រាប់ថា៖ជនសង្ស័យ៣នាក់មាន១.ឈ្មោះ សំ មេសា ភេទប្រុសអាយុ២០ឆ្នាំ ២.ឈ្មោះ ឌឿន ចិន ភេទប្រុសអាយុ២៥ឆ្នាំ ៣.ឈ្មោះ ហយ សុភាព ភេទប្រុសអាយុ២២ឆ្នាំជនសង្ស័យរស់នៅភូមិ.ឃុំបន្ទាយនាង ស្រុកមង្គលបូរី។
លោកបានបញ្ជាក់ថា៖ក្រោយទទួលព័ត៌ពីអាជ្ញាធរមូលដ្ឋានមានក្មេងទំនើងជួបជុំគ្នាប្រើប្រាស់គ្រឿងញៀននៅម្តុំវាលស្រែចំណុចប្រឡាយឯកភាពរាល់ថ្ងៃនិងល្ងាច ហើយកម្លាំងអធិការដ្ឋាននគរបាលស្រុកមង្គលបូរីចុះស្រាវជ្រាវកំណត់មុខសញ្ញាបានចុះប្រតិបត្តិការបង្ក្រាបមាន២នាក់រត់ឡើងរថយន្តគេចខ្លួនបាត់រថយន្តធុនកាំម៉ារីសេរីចាស់ពាក់ផ្លាក់លេខភ្នំពេញ2F.4940និងឃាត់ខ្លួនជនសង្ស័យបាន៣នាក់រឹបអូសវត្ថុតាងគ្រឿងញៀនបាន៣ថង់ជាប្រភេទមេតំហ្វេតាមីនហៅខេទឹកក។
លោកវរៈសេនីយ៍ឯក ស៊ីន ណារ៉ាក់ បានបញ្ជាក់ថា៖ក្រោយពេលឃាត់ជនសង្ស័យ៣នាក់និងវត្ថុតាងគ្រឿងញៀន៣ថង់ក្រោយពេលសាកសួរចម្លើយហើយបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់៕ (ប៊ុន ធឿន)