ស្ត្រីម្នាក់ដោយសារឃើញម្តាយចាស់ជរាសម្រាច់ចិត្តធ្វើផ្ទះត្រូវបានអ្នកម៉ៅការបោកស្នើសុំអាជ្ញាធរមូលដ្ឋានជួយគាត់ផង

កំពង់ឆ្នាំ : ស្ត្រីម្នាក់ជាកម្មារិនីធ្វើការរោងចក្រនៅទីក្រុងភ្នំពេញបានចំណាយធន់ធានដែលបានធ្វើការជាខ្ញុំគេជិត២០ឆ្នាំមកហើយទើបមានលុយជាងមួយម៉ឺនដុល្លាដើម្បីហៅជាងឬអ្នកម៉ៅការមកធ្វើផ្ទះឱ្យម្តាយចាស់រស់នៅគ្រាន់សមរម្យនិងគេ។
តែគាត់មិននឹកស្មានថា ក្រុមអ្នកម៉ៅការយកលុយគាត់អស់ជាង៨០ភាគរយទៅហើយ ចំណែកផ្ទះវិញជាងទើបតែសាងសង់បានត្រឹមតែ២០ភាគរយតែប៉ុន្នោះ មួយវិញទៀតក្រុមជាងបានផ្អាក់ធ្វើផ្ទះគាត់ទៀតដោយសារអ្នកម៉ៅការយកលុយគាត់ហើយមិនទិញសម្ភារ:ឱ្យក្រុមជាង។
ស្រ្តីជាម្ចាស់ផ្ទះមានឈ្មោះ ប៊ុន គទ្ធា ភេទស្រីអាយុ៣០ឆ្នាំជាស្ត្រីមេម៉ាយមានទីលំនៅបច្ចុប្បន្នរស់នៅភូមិជន្លាវ ឃុំប្រស្នឹ
ប ស្រុករលាប្អៀរ ខេត្តកំពង់ឆ្នាំ បាននិយាយលាយឡំនឹងភ្នែកប្រាប់ក្រុមអ្នកយកព័ត៌មានប្រចាំខេត្តកំពង់ឆ្នាំនៅរសៀលថ្ងៃទី១៦ខែកក្កដាឆ្នាំ២០២៥ថា គាត់បានឃើញម្តាយមានភាពជរាណាស់ហើយណាមួយផ្ទះដែលរស់នៅសព្វថ្ងៃមិនសូវសមរម្យផង ទើបគាត់សម្រេចចិត្តហៅអ្នកម៉ៅការមានឈ្មោះយូ វិស័យ ភេទប្រុសអាយុ៣៩ឆ្នាំមានមុខរបបដើរម៉ៅការធ្វើផ្ទះដែលមានទីលំនៅសព្វថ្ងៃភូមិឬស្សី សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញបានទទួលធ្វើផ្ទះឱ្យជនរងគ្រោះមានឈ្មោះ ប៊ុន គទ្ធា ដែលមានទំហុំសាចផ្ទះ៤.៥ម៉ែត្រគុណ១០ម៉ែត្រ ធ្វើពីដែក ហើយព្រមព្រាងគ្នាក្នុងតម្លៃយ១០០០០ម៉ឺនដុល្លាសហរដ្ឋអាមេរិក។
គាត់បានបន្តទៀតថា សព្វថ្ងៃនេះផ្ទះរបស់គាត់ត្រូវបានជាងទុកចោលដោយសារមិនមានសម្ភាររះសម្រាប់ឱ្យជាងធ្វើ ដោយសារតែឈ្មោះ យូ វិស័យ អ្នកម៉ៅការមិនព្រមទិញសម្ភាររះឱ្យជាង ទើបជាងទុកផ្ទះគាត់ចោលទាំងគ្រោងនៅកណ្តាលថ្ងៃកណ្តាលភ្លៀង សឹង្ហនិងពុកដែកវិញទៅហើយ។
ជាចុងក្រោយគាត់សំណូមពរទៅអាជ្ញាធរមូលដ្ឋាន ជាពិសេសឯកឧត្តមអភិបាលខេត្តកំពង់ឆ្នាំង សូមជួយអន្តរាគមន៍ទៅក្រុមអ្នកម៉ៅការខាងលើបានធ្វើខុះពីកិច្ចសន្យា ណាមួយទៀតគាត់អ្នកម៉ៅការរូបនេះបានយកលុយពីគាត់ជាង៨០ភាគរយទៅហើយ។
ចំណែកជាង ឈ្មោះ ធីម បានឱ្យដឹងថាផ្ទះមួយខ្នងដែលមានម្ចាស់ឈ្មោះប៊ុន គន្ធា ហើយគាត់ទទួលយកកមធ្វើពីឈ្មោះ យូ វិស័យ ក្នុងតម្លៃយពលកម្មចំនួន៣៥០០ដុល្លាសហរដ្ឋអាមេរិក ។
ក្រោយពីទទួលបានការងារសង់ផ្ទះនេះហើយនិងព្រមព្រាងគ្នាតាមតម្លៃយខាងពួកគាត់ជាជាងបាននាំគ្នាធ្វើរហូតបានជាង៥០ភាគរយទៅហើយខាងអ្នកម៉ៅការនៅមិនទាន់បើកថ្លៃពលកម្មឱ្យគាត់ដើម្បីគាត់ថ្លៃពលកម្មកូនជាងគាត់នោះទេ ។
ពេលគាត់សួរម្ចាស់ផ្ទះម្ចាស់បានប្រាប់ថាលោក យូ វិស័យបានបើកលុយយកអស់ជាង៨០ភាពរយទៅហើយ ។
ទើបគាត់ជាជាងក្រុមជាងបានទូរស័ព្ទទៅលោក យូ វិស័យ ដើម្បី បើកប្រាក់ពលកម្មខ្លះដើម្បើបើកឱ្យកូនជាង ។
បើទោះបីជាលោកព្យាយាមទូរស័ព្ទទៅលោកយូ វិស័យ អ្នកម៉ៅការរូបនិងចូលជាលើកតែមិនមានអ្នកទទួល តេតាមឆាត់គ៏ ឈ្មោះយូ វិស័យ នេះមិនមើលមិនលើក
ដោយសារតែគាត់គ្មានលុយបើឱ្យកូនជាងទើបគាត់ដកកូនជាងទៅធ្វើកន្លែងផ្សេងវិញ សិនរងចាំឈ្មោះយូវិស័យ យកលុយមកបើកឱ្យគាត់ទើបគាត់ចូលធ្វើផ្ទះនឹងវិញ។
គាត់រងចាំរយះពេលជាង៣ខែមកហើយនៅតែមិនមានទំនាក់ទំនងពីឈ្មោះ យូ វិស័យ និងសោះ ទើបគាត់នឹងម្ចាស់ផ្ទះស្នើសុំឱ្យអាជ្ញាធរជួយគាត់ផង។
ក្រោមការលើកឡើងនិងសំណូមពរពីស្ត្រីជាម្ចាស់ផ្ទះខាងលើ អ្នកយកព័ត៌មានយើងបានទូរស័ព្ទទៅឈ្មោះ យូ វិស័យ អ្នកម៉ៅការសាងសងផ្ទះតេចូលជាច្រើនដងតែមិនមានអ្នកលើក។
ចំណែកលោក មេឃុំប្រស្និប បានឲ្យដឹងថាសូមឱ្យស្ត្រីជាម្ចាស់ផ្ទះដាក់ពាក្យបណ្តឹងទើបអាជ្ញាធរឃុំកោះហៅអ្នកម៉ៅការនោះមកដោះស្រាយជូន៕
អត្ថបទ:សុខ សុភ័ណ្ឌ