ពោធិ៍សាត់ ៖ ជនសង្ស័យម្នាក់ត្រូវបាននគរបាលស្រុកតាលោសែនជ័យចាប់ខ្លួនបន្ទាប់ពីលួចម៉ូតូគេគេចខ្លួនដោយសុវត្ថិភាពរយៈពេល 3 ថ្ងៃកន្លងមក។
ការចាប់ខ្លួននេះធ្វើឡើងនៅវេលាម៉ោង 10និង 15 នាទីយប់ថ្ងៃទី 14 ខែមិថុនាឆ្នាំ 2021នៅលើខ្នងប្រឡាយធំស្ថិតក្នុងភូមិជ្រៃក្រឹម ឃុំផ្ទះរុងស្រុកតាលោសែនជ័យខេត្តពោធិ៍សាត់។
លោក អ៊ុល ហៃ អធិការនគរបាលស្រុកតាលោសែនជ័យប្រាប់ឲ្យដឹងថាថាជនសង្ស័យឈ្មោះរ័ត្នយុទ្ធភេទប្រុសអាយុ 27 ឆ្នាំរស់នៅក្នុងភូមិចិនតាយ ឃុំមេទឹកស្រុកបាកានខេត្តពោធិ៍សាត់។
លោកបានបញ្ជាក់ថា ក្នុងពេលដែលកម្លាំងរបស់លោកចុះល្បាតនៅពេលយប់ដើម្បីការពារសុខសុវត្ថិភាពជូនប្រជាពលរដ្ឋនៅក្នុងមូលដ្ឋានជាពិសេសដើម្បីត្រួតពិនិត្យតាមគោលដៅសហគមន៍មើលបងប្អូនប្រជាពលរដ្ឋចំណាកស្រុកចូលមកវិញដើម្បីទប់ស្កាត់ការរីករាលដាលជំងឺខូវីដ19ផងដែរនោះស្រាប់តែប្រទេះឃើញជនសង្ស័យកំពុងជិះម៉ូតូម៉ាក់ dream ពណ៌ខ្មៅអត់ផ្លាកលេខនៅចំណុចខាងលើមានការសង្ស័យក៏គាត់សួរនាំដោយជនសង្ស័យបានឆ្លើយសារភាពថាខ្លួនពិតជាបានលួចម៉ូតូមួយគ្រឿងនេះកាលពីថ្ងៃទី 11 ខែមិថុនាឆ្នាំ 2021វេលាម៉ោង 10 និង 38 នាទីព្រឹកដែលម្ចាស់ទុកនៅសំយាបផ្ទះស្ថិតក្នុងភូមិតាលោឃុំតាលោស្រុកតាលោសែនជ័យពិតប្រាកដមែន។
លោកថា ចំពោះជនសង្ស័យរួមនឹងវត្ថុតាងម៉ូតូសមត្ថកិច្ចបញ្ជូនមកអធិការដ្ឋានដើម្បីបន្តនីតិវិធី៕(សារិទ្ធ)
