កំពង់ធំ :មន្ត្រីឧទ្យានុរៈប្រធានស្នាក់ការរងផ្តៀកធំដែនជម្រកសត្វព្រៃព្រៃឡង់លោក ជន ជីនបានបដិសេធចំពោះការចុះផ្សាយពីសំណាក់សមាគមអ្នកសារព័ត៌មានប្រជាធិបតេយ្យដែលបានចុះផ្សាយពាក់ព័ន្ធទៅនឹងការកាប់រាន់ដីព្រៃនៅតំបន់អូរសំញែង ភូមិត្បែង ឃុំបឹងល្វា ស្រុកសន្ទុក ខេត្តកំពង់ធំ កាលពីថ្ងៃទី ៥ ខែឧសភាឆ្នាំ ២០២៥កន្លងទៅនេះ។
យោងតាមរបាយការណ៍បំភ្លឺរបស់លោកជន ជីន មន្ត្រីឧទ្យានុរៈជាប្រធានស្នាក់ការរងផ្ដៀកធំ នៃដែនជម្រកសត្វព្រៃព្រៃឡង់ ក្នុងភូមិសាស្ត្រខេត្តកំពង់ធំចំពោះករណីនេះបានជម្រាបជូនលោកអោង ប៊ុន ធឿន ប្រធានមន្ទីរបរិស្ថានខេត្តកំពង់ធំមានខ្លឹមសារថា.ចំពោះការចុះផ្សាយរបស់ សមាគមអ្នកសារព័ត៌មានប្រជាធិបតេយ្យADJL.TVកាលពីថ្ងៃទី 5 ខែឧសភាឆ្នាំ 2025 ពាក់ព័ន្ធនឹងការកាប់រានដីព្រៃនៅតំបន់អូរសំញែង លោកបានរុករកចំណុចដែលកាប់រានដីព្រៃឃើញថាមានពិតប្រាកដដូចជាការចុះផ្សាយរបស់សមាគមន៍អ្នកសារព័ត៌មានប្រជាធបតីពិតមែន។
ទីតាំងទី១ .មានទំហំប្រហែល១០ហិចតាដែលស្ថិតក្នុងយាមការលេខ ៥៦១៩៧៣.១៤១០៧៩៤ ដែលជាដីគេលួចកាប់រានចាស់ក្នុងអំឡុងឆ្នាំ 2023។
ទីតាំងទី ២.មានទំហំប្រហែលជា៥ហិតាដែលស្ថិតក្នុងយាមកា ៥៦០៧៥០.១៤១១៤៩៨ ដីនេះជនល្មើសបានលួចចូលកាប់រុករានទន្ទ្រានដីព្រៃក្នុងអំឡុងចុងឆ្នាំ ២០២៤ និងដើមឆ្នាំ ២០២៥។
ចំពោះទីតាំងទាំងពីរខាងលើនាពេលបច្ចុប្បន្ននេះកម្លាំងមន្ត្រីបរិស្ថាន ឧទ្យានុរៈកំពុងតាមឃ្លាំមើលនិងរក្សាទុកដោយទប់ស្កាត់ការលួចចូលទៅអាស្រ័យផលលើដំណាំផ្សេងៗដើម្បីតាមរុករកជនល្មើសយកមកចាត់ចែងទៅតាមនីតិវិធីនៃច្បាប់អោយទាលតែបាន។
ហើយចំពោះការចុះផ្សាយពីសំណាក់សមាគមអ្នកសារព័ត៌មានប្រជាធិបតេយ្យដោយបានសរសេ ចោទប្រកាន់មកលើរូបលោកថា
១.បានផ្លាស់ប្ដូរកម្មសិទ្ធិដីរបស់រដ្ឋអោយទៅជាឯកជនវិញនោះគឺលោកគ្មានសិទ្ធិធ្វើបែបនេះនោះទេ ពីព្រោះដីក្នុងតំបន់នោះគឺជាដីរបស់រដ្ឋ។
២ .ហើយចំពោះពាក្យចោទប្រកាន់មកលើរូបលោកថា លោកបានទូទាត់ជាប្រាក់ដុល្លារជាមួយនឹងម្ចាស់ដីដើម្បីយកដីរបស់រដ្ឋធ្វើជាកម្មសិទ្ធិនោះ លោកក៏សូមបដិសេធទាំងស្រុងចំពោះការចុះផ្សាយចោទប្រកាន់ដោយគ្មានមូលដ្ឋានច្បាស់ និង ជាក់លាក់ ពីសំណាក់សាមាគមន៍អ្នកសារព័ត៌មានប្រជាធិបតេយ្យADJL.TVមកលើរូបលោកនោះផងដែរ។
លោក អោង ប៊ុនធឿន ប្រធានមន្ទីរបរិស្ថានខេត្តកំពង់ធំលោកបានមានប្រសាសន៍លើកឡើងផងដែរថាលោកទទួលស្គាល់.ចំពោះ ករណីនៃការលួចកាប់រានដីព្រៃរបស់រដ្ឋពីសំណាក់ជនល្មើសគឺតែងតែកើតមានឡើងពិតប្រាកដមែន ក៏ប៉ុន្តែបើទោះបីជាយ៉ាងណាក៏ដោយក្នុងនាមលោកជាប្រធានមន្ទីរបរិស្ថាន និងមន្ត្រីក្រោមបង្គាប់នៅតែតាមការពារនិងតាមឃ្លាំមើលជានិច្ចដើម្បីថែរក្សាការពារសម្បត្តិរបស់ជាតិឲ្យបានគង់វង្សយូរអង្វែង។
លោក អោង ប៊ុនធឿន បានបញ្ជាក់ជាចុងក្រោយថា ព្រៃឈើមានសារៈប្រយោជន៍សំខាន់ណាស់ក្នុងការបញ្ចេញឧស្ម័ននិងការពារ បាតុភាពគ្រោះធម្មជាតិផ្សេងៗ បានយ៉ាងល្អប្រសើរនោះផងដែរ៕
ដោយ :លោក សំ នៀង
