ប្រធានទីស្នាក់ការបរិស្ថានស្រុកប្រាសាទបាល្ល័ងច្រានចោល រាល់ការចុះផ្សាយពីសំណាក់អ្នកព័ត៌មាន HNP NEWS ពាក់ព័ន្ធទៅនឹងករណីដឹកជញ្ជូនអនុផលព្រៃឈើ(អុស)តាមបណ្ដោយផ្លូវជាតិលេខ ៦២ចូលមកកាន់ខេត្តកំពង់ធំ
(កំពង់ធំ)ប្រធានស្នាក់ការបរិស្ថានចំណុចភូមិ អណ្ដាស ឃុំសាលាវិស័យ ស្រុកប្រាសាទបាល្ល័ងខេត្តកំពង់ធំ នាពេលថ្មីៗនេះបានចេញលិខិតបំភ្លឺមួយទាក់ទងទៅនឹងការចុះផ្សាយពីសំណាក់នាយកព័ត៌មានHNP.News(ឈ្មោះសឿ សុជា)ដែលបានសរសេរបង្ហោះចោទប្រកាន់ទៅលើរូបលោកថាបានទារលុយពីពលរដ្ឋដែលដឹកអនុផលព្រៃឈើ(អុស)នោះ។
នៅក្នុងលិខិតរបស់ លោក កែវ.តាន់លី.ប្រធានស្នាក់ការបរិស្ថាននៅភូមិអណ្ដាស ឃុំសាលាវិស័យ ស្រុកប្រាសាទបាល្ល័ងខេត្តកំពង់ធំ បានលើកឡើងថា ចំពោះការចុះផ្សាយពីសំណាក់អ្នកយកព័ត៌មានHNP. new របស់លោក(សឿសុជា)នោះគឺជាការមួលបង្កាច់និងបង្ខូចកេរ្តិ៍ឈ្មោះរបស់លោកទាំងស្រុងនោះតែម្ដង។
លោក កែវ តាន់លី បានបញ្ជាក់បន្ថែមទៀតថា លោកទទួលស្គាល់ថា មានពលរដ្ឋតែងតែរកស៊ីដឹកអនុផលព្រៃឈើពិតប្រាកដមែនដូចជា(អុស)ឈើក្រាក់បង្គោលរបងដែលសេសសល់ពីភ្លើងឆេះតាមបណ្ដោយផ្លូវជាតិលេខ 62 ដោយបានឆ្លងកាត់មុខទីស្នាក់ការរបស់លោកឆ្ពោះមកកាន់ទឹកដីខេត្តកំពង់ធំពិតមែន ក៏ប៉ុន្តែអនុផលព្រៃឈើក៏ប៉ុន្តែអនុផលឈើទាំងនោះពុំមែនជាបទល្មើសព្រៃឈើជាក់ស្ដែងនោះឡើយ។
ហើយចំណុចដែលអ្នកសារព័ត៌មានHNP.Newsរបស់លោកសឿ សុជា ដែលបានសរសេរបង្ហោះថាលោកជំរិតទាប្រាក់ពីរនាក់ដឹកអនុផលព្រៃឈើនោះគឺពុំពិតប្រាកដនោះឡើយ។
អាស្រ័យដូចបានជម្រាបជូនខាងលើសូមសាធារណៈជនកុំមានការយល់ច្រឡំទៅតាមការសរសេរបង្ហោះផ្សាយរបស់បុគ្គលនោះឲ្យសោះ។ ពីព្រោះបុគ្គលនេះតែងតែញុះញង់ និង សរសេរព័ត៌មានបង្ហោះផ្សាយ គឺមិនច្បាស់ការនោះទេ៕
ដោយសំនៀង
