ខេត្ដឧត្ដរមានជ័យ ៖ រថយន្ដម៉ាកយីឌុបដឹកដំឡូងពីលើ ឈើពីក្រោម ឈ្មូញឈើល្បី ឈ្មោះ ពន្លក ប្អូនឧកញ៉ាស្រ៊ុន ម៉េងលៀង លោតឆត្រ័ជាច្រើនជើងត្រូវជាប់អន្ទាក់សមត្ថកិច្ចនៅវេលាម៉ោង៨យប់ថ្ងៃទី២១ខែគុម្ភះឆ្នាំ២០២០ស្ថិតនៅចំណុចភូមិខ្ទុមសង្កាត់កូនក្រៀល ក្រុងសំរោងខេត្តឧត្ដរមានជ័យ។
សមត្ថកិច្ចបានអោយដឹងថា ការបង្ក្រាបរថយន្ដម៉ាកយីឌុបមួយគ្រឿងដឹកឈើយកដំឡូងមីពីលើឈើពីក្រោមពាក់ ស្លាកលេខ៣A០៥២១ នៅចំណុចភូមិខ្ទំ ឃុំកូនក្រៀលក្រុងសំរោង ខេត្តឧត្ដរមានជ័យ ដឹកចេញពីខេត្តព្រះវិហារគោលបំណងយកទៅចែកចាយដេប៉ូនៅខេត្តបន្ទាយមានជ័យ។
សមត្ថកិច្ចបានអោយដឹងថា៖ រថយន្ថដឹកឈើខាងលើជារបស់ឈ្មោះ ពន្លក ប្អូនប្រុសលោកឧកញ៉ាស្រ៊ុន ម៉េងលៀង ដែលបានធ្វើសកម្មភាពដឹកជញ្ជូនឈើជាច្រើនខែមកហើយ ដែលមានការត្រូវរ៉ូវគ្នាជាមួយ សមត្ថកិច្ចខេត្តឧត្ដរមានជ័យមួយចំនួនធំ។ ហើយការ ការបង្ក្រាបរថយន្ដដឹកឈើខាងលើគឺ ប្រតិភូរដ្ឋាភិបាលទទួលបន្ទុក ជាអ្នកដឹកនាំកម្លាំងបង្ក្រាបដោយផ្ទាល់ ព្រោះថ្នាក់ខេត្តអសមត្ថភាពបង្ក្រាប(ត្រូវរ៉ូវគ្នាអស់) ទើបកម្លាំងក្រសួងចុះបង្ក្រាប។
លោក សូត្រ ស៊ីសុខឃាង ប្រធានមន្ទីកសិកម្មខេត្តឧត្ដរមានជ័យបានអោយដឹងថា កំពុងធ្វើការវាស់វែងរងចាំម្ចាស់ចូលមកដោះស្រាយដោយធ្វើការផាកពិន័យ បើម្ចាស់មិនចូលខ្លួននិងដាក់បណ្ដឹងទៅតុលាការបន្ត។
បច្ចុប្បន្ន រថយន្ដនិងវត្ថុតាងឈើសមត្ថកិច្ចជំនាញរដ្ឋបាលព្រៃឈើរក្សារទុកនៅសង្កាត់រដ្ឋបាលព្រៃឈើកូនក្រៀល ។ដោយ÷សាន់ឆដា
