ប្រធានការិយាល័យដែនជម្រកសត្វព្រៃនៃមន្ទីរបរិស្ថានខេត្តកំពង់ធំ ច្រានចោលរាល់ការសរសេរបង្ហោះសារពីម្ចាស់អាខោន Facebook(Tan Kimsour)ដែលមិនមានភាពច្បាស់លាស់ចោល!
កំពង់ធំថ្ងៃចន្ទទី ៣ ខែ តុលាឆ្នាំ ២០២៤
លោក លី ស្រេង ប្រធានការិយាល័យដែនជម្រកសត្វព្រៃព្រៃឡង់នៃមន្ទីរបរិស្ថានខេត្តកំពង់ធំនាពេលថ្មីៗនេះបានធ្វើការបដិសេធនិងច្រានចោលទាំងស្រុងរាល់ការសរសេរបង្ហោះពីម្ចាស់គណនេយ្យ Facebookដែលមានឈ្មោះថា (Tan Kimsour)ដែលបានសរសេរបង្ហោះថា(វិធីសាស្រ្តក្នុងការបំផ្លាញដើមឈើដោយគ្មានសំឡេងរបស់មន្ត្រីបរិស្ថានឈ្មោះលី ស្រេងនាយករងដែនជំរកសត្វព្រៃព្រៃឡង់ដើម្បីយកដីនៅជើងភ្នំជី .ឃុំសុខចិត្ត .ស្រុកសណ្ដាន់ខេត្តកំពង់ធំធ្វើជាកម្មសិទ្ធិ)។
យោងតាមការសរសេរចោទប្រកាន់ពីសំណាក់ម្ចាស់គណនេយ្យហ្វេសប៊ុកដែលមានឈ្មោះថាTan Kimsour មកលើលោក លី ស្រេង ប្រធានការិយាល័យដែនជម្រកសត្វព្រៃព្រៃឡង់នៃមន្ទីរបរិស្ថានខេត្ត លោកបានមានប្រសាសន៍លើកឡើងឲ្យដឹងថា ចំពោះការសរសេរបង្ហោះចោទប្រកាន់ពីសំណាក់ម្ចាស់ផេក (facebook Tan Kimsour )មកលើរូបលោកនេះ គឺជាការមូលបង្កាច់ និង បង្ខូចកេរ្តិ៍ឈ្មោះរបស់លោកទាំងស្រុងដោយគ្មានមូលដ្ឋានច្បាស់លាស់នោះទេ។
ម្យ៉ាងវិញទៀតចំពោះការសរសេរបង្ហោះពីសំណាក់ម្ចាស់ account facebook ឈ្មោះ តាន់ គឹមសួរនេះ គឺពុំមែនជាការពិតនោះឡើយ។ ហើយចំណុចទឹកដីភ្នំជីក្នុង ឃុំសុខចិត្ត.ស្រុកសណ្ដាន់ខេត្តកំពង់ធំនោះ គឺជាទីស្នាក់ការរបស់បរិស្ថាននោះទេ មិនមែនជាដីកម្មសិទ្ធិរបស់លោកដូចជាការសរសេរបង្ហោះរបស់ម្ចាស់ facebook ឈ្មោះតាន់ គឹមសួរនោះឡើយ។ហើយលោកក៏គ្មានដីនៅចំណុចដែលគេសរសេរបង្ហោះ នោះដែរ។
លោក.លី ស្រេង ប្រធានការិយាល័យដែនជំរកសត្វព្រៃព្រៃឡង់នៃមន្ទីរបរិស្ថានខេត្តកំពង់ធំបានបញ្ជាក់ជាបន្តទៀតថា លោកមានលិខិតបង្គាប់ការយ៉ាងពេញលេញ ពីមន្ទីរបរិស្ថានខេត្តកំពង់ធំ។ ម្យ៉ាងវិញទៀតចំពោះរូបភាពដែលលោក តាន់.គឹមសួរ បានទៅឈរបង្ហាញខ្លួននៅចំណុចដើមឈើដែលក្រៀវមួយដើមនោះ គឺជាដីរបស់ពលរដ្ឋដែលមានកម្មសិទ្ធិស្របច្បាប់ទៅហើយ។ ហើយលោកក៏គ្មានដីមួយម៉ែត្រនៅទីនោះ ដូចជាការសរសេរបង្ហោះចោទប្រកាន់ពីសំណាក់ម្ចាស់គណនេយ្យ( Facebook Tan Kim sourនោះដែរ)៕ដោយសំនៀង
