ជំនាញបរិស្ថានដែនជម្រាកសត្វព្រៃភ្នំឱរ៉ាល់បង្ក្រាបទីតាំងរោងសិប្បកម្មកែច្នៃឈើគ្មានច្បាប់មួយកន្លែង

ជំនាញបរិស្ថានដែនជម្រាកសត្វព្រៃភ្នំឱរ៉ាល់បង្ក្រាបទីតាំងរោងសិប្បកម្មកែច្នៃឈើគ្មានច្បាប់មួយកន្លែង

ខេត្តកំពង់ស្ពឺ៖ ទីតាំងសិប្បកម្មអត់ច្បាប់មួយកន្លែង ដែលគេស្គាល់រហ័សនាមថា (លោក តឿ)ចិត្តខ្លាំងពូកែរជេប្រមាថ មិនសំចៃមាត់និង មិនខ្លាចញញើតច្បាប់នោះ! ឥឡូវត្រូវជំនាញការិយាល័យដែនជម្រកសត្វព្រៃភ្នំឱរ៉ាល់ចុះធ្វើកិច្ចសន្យាបញ្ឈប់មិនឲ្យធ្វើសកម្មភាពបន្តទៀតនោះឡើយកាលពីរសៀលថ្ងៃទី១៦ ខែធ្នូ ឆ្នាំ២០២២ ស្ថិតនៅភូមិឈើទាលជ្រុំ ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ។

ការចុះបង្ក្រាបទីតាំងសិប្បកម្មគ្មានច្បាប់ទម្លាប់មួយកន្លែងខាងលើនេះ ក្រោយពីរអង្គភាពសារព័ត៌មានជាច្រើន បានធ្វើការចុះផ្សាយក៏ដូចជារាយការណ៍ជូនទៅខាងមន្ត្រីជំនាញក្នុងករណីមានទីតាំងសិប្បកម្មមួយកន្លែងដោយទិញឈើមូលដូចជា ដុល និង កូនខ្លុងត្បែង ប្រភេទចម្រុះ យកមក ពុះច្រៀក អារ តាមរយះម៉ាសុីនថាសរបស់ខ្លួននិង ដឹកឈើក្បាំងមានមុខកាត់ធំៗ ចេញពីតំបន់ផ្សេងៗមកផ្គត់ផ្គង់ក្នុងសិប្បកម្មរបស់ខ្លួនដើម្បីចេញលក់ទៅតាមតំបន់ផ្សេងៗឬមានអ្នកមកទិញដល់ទីតាំងក៏មានដែរ ដោយមិនខ្វល់ខ្វាយ និងផ្លូវច្បាប់ទម្លាប់អ្វីសោះឡើយ។

មួយវិញទៀតទីតាំងបើកសិប្បកម្មគ្មានច្បាប់ មួយកន្លែងនេះស្ថិតនៅក្នុងតំបន់ការពារធនធានធម្មជាតិក្រោមការគ្រប់គ្រងរបស់ ដែនជម្រកសត្វព្រៃភ្នំឱរ៉ាល់ស្ថិតនៅភូមិឈើទាលជ្រុំ ឃុំ ត្រពាំងជោរ ស្រុកឱរ៉ាល់ ខេត្តកំពង់ស្ពឺ។

តាមប្រភពព័ត៌មានបានឲ្យដឹងថា ម្ចាស់ សិប្បកម្មខាងលើនោះមាន ឈ្មោះ ជូរ ថារិទ្ធ ភេទប្រុស អាយុជាង៤០ឆ្នាំ ដែលគេដាក់រហ័សនាមថា (លោក តឿ)ចិត្តខ្លាំងពូកែជេរប្រមាថ មិនសំចៃមាត់ មានមុខរបរបើកធ្វើសិប្បកម្មខាងលើផងដែរ។

បើតាមប្រភពព័ត៌មាននិយាយសូមមិនបញ្ចេញឈ្មោះបានលួចបង្ហើបឲ្យដឹងថា ម្ចាស់សិប្បកម្មខាងលើនេះគឺគាត់មានចរិកម្យ៉ាងគឺមិនចេះខ្លាចញញើតច្បាប់ និងខ្លាច នរណានោះឡើយមិនតែប៉ុណ្ណោះ (លោក តឿ) មិនដែលចេះគោរពស្រលាញ់អ្នកនៅភូមិផងរបងជាមួយនោះឡើយ ដោយគាត់អាងមានខ្នងធំ មានអ្នកមានលុយមានអំណាច ម្នាក់នៅពីក្រោយចាំពន្លត់រឿងផងដែរ។

តាមប្រភពព័ត៌មានប្រជាពលរដ្ឋ នៅតាមតុកាហ្វេ វិញនិយាយថា លោក ជូរ ថារិទ្ធ ហៅ(លោក តឿ)ចិត្តខ្លាំងពូកែជេរប្រមាថកាតទាន និងបក្ខពួកគូរកនរាល់ពេលធ្វើសកម្មភាពក្នុងសិប្បកម្មជារៀងរាល់ថ្ងៃនោះ លោក ជូរ ថារិទ្ធ ហៅ(លោក តឿ)តែងតែចាក់ធុងបាស់(បំពងសំឡេង) ដើម្បីកំដរអារម្មរណ៍របស់ខ្លួននិងកូនចៅជាប្រចាំផងដែរ ធ្វើឱ្យប៉ះពាល់ការរំខាន់ដល់អ្នកជិតខាង ដោយមិនខ្វល់និងពេលវេលានោះឡើយ និងមិនចេះកោតក្រែង និងអ្នកជិតខាងអីនោះដែរ។

មហាជនលើកឡើងសរសើរតាមរបៀបហួសចិត្តថា នៅក្នុងស្រុកយើងមានមនុស្សបែបនេះដែរពិសេសក្នុងឃុំត្រពាំងជោរមានតែលោក ជូរ ថារិទ្ធ(ហៅលោក តឿ )ម្នាក់គត់ដែលអាចធ្វើទៅបានដោយមិនខ្វល់រឿងរំខានទើសអាណានោះទេ? ខណ:ចាក់ធុងបាស់ហើយគឺបើកសម្លេងឮដល់ពាក់កណ្តាលភូមិឯណ្ណោះ សម្លេងរំខាននេះដែរគឺបើកជារៀងរាល់ថ្ងៃតែម្ដងមិនថាពេលសម្រាកពេលថ្ងៃឬពេលទៀបភ្លឺនោះឡើយ។

បើទោះបីប្រជាពលរដ្ឋ ទូរស័ព្ទទៅប្តឹងសមត្ថកិច្ចក៏ដោយ ក៏(លោក តឿ) មិនខ្វល់ដែរ។

លោក ហ៊ុលម៉ារ៉ា ប្រធានការិយាល័យដែនជម្រកសត្វព្រៃភ្នំឱរ៉ាល់ នៃមន្ទីរបរិស្ថានខេត្តកំពង់ស្ពឺ ក្រោយពីទទួលព័ត៌មាន លោកបានដាក់បទបញ្ជាឲ្យ លោក អ៊ួង ប៊ុនហេង ជាប្រធានស្នាក់ការភ្នំតូចនៃការិយាល័យដែនជម្រកសត្វព្រៃភ្នំឱរ៉ាល់បានចុះមកធ្វើការទប់ស្កាត់និងឈានដល់ការធ្វើកិច្ចសន្យាបញ្ឈប់ឲ្យបន្តមានធ្វើសកម្មភាពទាំងម៉ាសុីនថាសនិងម៉ាសុីនក្នុងសិប្បកម្មទាំងអស់ផងដែរ លើកនេះដូចជាមិនដូចរហ័សនាមនោះទេ ?គឺចូលរួមសហការបានល្អជាមួយនិងមន្ត្រីបរិស្ថានបានផ្តិតមេដៃព្រមទៅតាមកិច្ចសន្យាផងដែរ គឺមិនមានទីតាំងខាងលើនេះបើកបន្តទៀតនោះឡើយ។

ប្រជាពលរដ្ឋរស់នៅម្តុំផ្ទះលោក ជូរ ថារិទ្ធហៅ (លោកតឿ) បានចូលរួមសាទរ

និង លោក ហ៊ុលម៉ារ៉ា ប្រធានការិយាល័យដែនជម្រកសត្វព្រៃភ្នំឱរ៉ាល់ នៃមន្ទីរបរិស្ថានខេត្តកំពង់ស្ពឺ ដែលមានចំណាត់ការចំពោះទីតាំងខាលើ បានលើកឡើងថា ពួកគាត់លែងបានឮសម្លេងចាក់ធុងបាស់រំខានទៀតហើយ៕ដោយ៖ នាយខ្វែក