ខេត្តឧត្ដរមានជ័យ ៖ ប្រជាពលរដ្ឋប្រករបចិញ្ចឹមសត្វជ្រូកក្នុងស្រុកនាំគ្នាសម្ដែងការព្រួយបារម្មណ៍យ៉ាងខ្លាំងក្រោយពីក្រុមហ៊ុនដានីដេង សម្រុកនាំសត្វជ្រូកឆ្លងដែនចេញពីប្រទេសថៃរាប់ម៉ឺនរាប់សែនក្បាលចូលមកស្រុកខ្មែរយកទៅចែកចាយទូទាំង២៥រាជធានី/ខេត្តដែលធ្វើអោយប្រជាពលរដ្ឋអ្នកចិញ្ចឹមសត្វជ្រូកក្នុងស្រុកមានការព្រួយបារម្មណ៍និងមានការបាក់ទឹកចិត្តនិងចង់លែងហ៊ានចិញ្ចឹម សត្វជ្រូកស្រុកទៀតហើយ ខណៈសត្វជ្រូកចិញ្ចឹមរបស់ពួកគាត់លក់បានតម្លៃស្ទើតែ ថោកជាងសត្វជ្រូកនាំមកពីប្រទេសថៃ។
ពលរដ្ឋអ្នកប្រករបរចិញ្ចឹមសត្វជ្រូក ខេត្តឧត្ដរមានជ័យ បានលើកឡើង កាលពីថ្ងៃទី០១ ខែមិនា ឆ្នាំ២០២០នេះរូបគាត់និងក្រុមគ្រួសារដែលមានប្រពន្ធនិងកូនតូចៗនិងអ្នកស្រុកដែលប្រកមុខរបរចិញ្ចឹមសត្វជ្រូកតាំងពីអំឡុង ឆ្នាំ២០១៧ មកម្ល៉េះឃើញថា មុខរបស់មានការចំនេញគួរសមដែលអាចមានលទ្ធភាពចិញ្ចឹមគ្រួសារនិងទំនុកបម្រុងក្នុងកូនៗបាន ។
តែដោយឡែកតាំងពីក្រុមហ៊ុន ដានីដេងបានវ៉ៃសម្រុកនាំសត្វជ្រូកមកពីក្រៅប្រទេសចូលមកស្រុកខ្មែររាប់ម៉ឺនរាប់សែនក្បាល តាមច្រកទ្វាអត្តរជាតិអូរស្មាច់ សង្កាត់អូរស្មាច់ ក្រុងសំរោង ខេត្តឧត្ដរមានជ័យ យកទៅចែកចាយពាសពេញរាជធានី/ខេត្តមកឃើញថាកំហុកនៃការចិញ្ចឹមសត្វជ្រូកសាច់លក់តាមស្រុកនានាក្នុងព្រះរាជណាច្រកកម្ពុជាមានការអត់ថយនិងមានការរធ្លាក់ចុះខ្លាំងដែលធ្វើអោយប្រជាពលរដ្ឋស្ទើរតែលែងហ៊ានប្រកបមុខរបចិព្ចាឹម សត្វជ្រូកសាច់លក់ទៀតហើយ ។ ព្រោះការចិញ្ចឹមសត្វជ្រូកបច្ចុប្បន្នចុងឆ្នាំ២០១៩ពួកគាត់មានការបង់និងជួបហានិភ័យកើតឡើងខ្ពស់ក្រោយពីក្រុមហ៊ុន ដានីដេង នាំសត្វជ្រូកចូលមកស្រុកខ្មែរសេដ្ឋកិច្ច នៃប្រាក់ចំណូលក្នុងគ្រួសាររបស់គាត់ចាប់ផ្ដើមអត់ថយនិងសត្វជ្រូកចិញ្ចឹមក្នុងស្រុកមួយចំនួនដែលគាត់ខំចិញ្ចឹមចាប់ផ្ដើមងាប់ជាបណ្ដើរៗដោយសារតែមានជង្ងឺរាតត្បាត។
ពលរដ្ឋសង្ស័យថា មូលហេតុដែលធ្វើអោយសត្វជ្រូកចិញ្ចឹមរបស់ពួកគាត់ការងាប់បណ្ដាល មកពីជំង្ងឺ ប៉េសអាព្រិចហើយមើលទៅ បានជាសត្វជ្រូកចិព្ចាឹមទាំងនេះងាប់លឿនបែបនេះ។
ពលរដ្ឋដែលប្រកបរបរចិញ្ចឹមសត្វជ្រូកសាច់លក់តាមបណ្ដារស្រុកនានាក៍ដូចជានៅក្នុងខេត្តឧត្ដរមានជ័យផ្ទាល់សុំអោយមន្ត្រីសមត្ថកិច្ចតាមច្រក ជាពិសេសលោកសូតស៊ីសុខឃាងប្រធានមន្ទីកសិកម្មរុក្ខាប្រម៉ាញ់និងនេសា លោកតាញ់ បុត្តា ប្រធានការិយាល័យបសុព្យាបាល(ពេទ្យសត្វ)មេត្តាជួយពិនិត្យមើលក្រុមហ៊ុនដានីដេងក្នុងការនាំសត្វជ្រូកឆ្លងដែនពីប្រទេសថៃចូលមកស្រុកខ្មែរតាមច្រកទ្វាអត្តរជាតិអូរស្មាច់ផងក្នុងការកំណត់ការនាំចូលអោយបានជាក់លាក់តាមលិខិតអនុញ្ញាតរបស់ឯកឧត្ដមវេងសាខុនរដ្ឋមន្ត្រីក្រសួងកសិកម្មកុំចេះតែបណ្ដោយអោយក្រុមហ៊ុនដានីដេងនាំសត្វជ្រូកលើសការកំណត់ ធ្វើឲ្យមានករណីគ្រោះថ្នាក់ចរាចរណ៍ ជាច្រើនដងទៀតផង ៕
ដោយ ៖ សាន់ឆដា
