រថយន្ត កុងតឺន័របុកជាមួយរថយន្តដឹកទំនិញកៀបជាប់តៃកុងរថយន្តស្លាប់ ម្នាក់នៅម្តុំពេជ្រនិល

រថយន្ត កុងតឺន័របុកជាមួយរថយន្តដឹកទំនិញកៀបជាប់តៃកុងរថយន្តស្លាប់ ម្នាក់នៅម្តុំពេជ្រនិល

ខេត្តកំពង់ស្ពឺ,ថ្ងៃទី១៤ ខែឧសភា ឆ្នាំ២០២២)៖ បុរសម្នាក់បានកៀបជាប់ ក្នុងកាប៊ីនរថយន្ត ស្លាប់ភ្លាមៗនៅ នឹងកន្លែងកើតហេតុ ខណៈដែលរថយន្ត សណ្តោងទូកុងតឺន័របើកលឿនបុកជាមួយរថយន្តដឹកទំនិញពីក្រោយយ៉ាង ពេញទំហឹង។

ហេតុការណ៍នេះបានកើតឡើងកាលពីវេលាម៉ោង២និង១០នាទីរំលង

អាធ្រាត្រឈានចូលថ្ងៃទី១៤ ខែឧសភា ឆ្នាំ២០២២ នៅលើកំណាត់ផ្លូវ ជាតិលេខ៤ ត្រង់ចន្លោះបង្គោលគីឡូម៉ែត្រលេខ៩១ ទៅលេខ៩២ ចំណុច ភូមិចំការចេក ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ ។

នគរបាលមូលដ្ឋានបាននិយាយឲ្យដឹងថាជនរងគ្រោះដែលបានកៀបស្លាប់នោះមានឈ្មោះ ភឿន វណ្ណា ភេទប្រុស អាយុ៣៨ឆ្នាំមុខរបរបើកបររថយន្ត រស់នៅភូមិតាំងឬស្សី ឃុំធម្មតាអរ ស្រុកសំរោងទង ខេត្តកំពង់ស្ពឺ។ បើកបរថយន្តមួយគ្រឿងម៉ាក ហ៊ីយ៉ាន់ដាយ ពណ៌ស ពាក់ស្លាកលេខ កណ្តាល 3A-1735 សណ្តោងទូកុងតឺន័រ( សឺមីរ៉ឺម៉ក់) ពាក់ស្លាកលេខ 4A-0041 បើកបរតាមបណ្តោយផ្លូវជាតិលេខ៤ ក្នុងទិសដៅពីទិសខាងកើត ទៅទិសខាងលិច លុះពេលបើកបរមកដល់ចំណុចកើតហេតុនេះបានរ៉េ ចង្កូតមកខាងឆ្វេងដៃជ្រុល បុកពីក្រោយរថយន្តដឹកទំនិញពេញទំហឹង រថយន្តម៉ាក ហ៊ីយ៉ាន់ដាយ ពណ៌លឿង ពាក់ស្លាកលេខ ភ្នំពេញ3F-2267 អ្នកបើកបរមិនស្គាល់អត្តសញ្ញាណ និងអាស័យដ្ឋាននោះទេ(ចុះរត់គេចខ្លួន បាត់) បណ្តាលឱ្យ អ្នកបើកបររថយន្តកុងតឺន័រគៀបស្លាប់នៅកន្លែង កើត ហេតុតែម្តង។

នគរបាលបានបញ្ជាក់ថា ក្រោយកើតហេតុសមត្ថកិច្ច ចុះធ្វើការវាស់វែង ចំពោះសពជនរងគ្រោះសមត្ថកិច្ចបានប្រគល់ឲ្យក្រុមគ្រួសារយកទៅធ្វើ

បុណ្យតាមប្រពៃណី។

ដោយឡែកវត្ថុតាងរថយន្តទាំង២គ្រឿងសមត្ថកិច្ចជំនាញ យកទៅរក្សាទុក នៅអធិការដ្ឋាននគរបាលស្រុកភ្នំស្រួចរង់ចាំធ្វើការ ដោះស្រាយនៅពេល ក្រោយទៀត៕