សមត្ថកិច្ចបានឃាត់ខ្លួនស្ត្រីម្នាក់ពាក់ព័ន្ធករណីគ្រឿងញៀន
បាត់ដំបង÷ស្ត្រីម្នាក់ដែលបានប្រឡូកក្នុងវិស័យគ្រឿងញៀនដោយខុសច្បាប់ត្រូវបានសមត្ថកិច្ចឃាត់ខ្លួនរួមនិងវត្ថុតាងមួយចំនួនដើម្បីអនុវត្តតាមផ្លូវច្បាប់។
សមត្ថកិច្ចប្រាប់ថាករណីឃាត់ខ្លួនស្ត្រីម្នាក់ខាងលើធ្វើឡើងនៅថ្ងៃទី២៥ខែមេសាឆ្នាំ២០២២វេលាម៉ោង១៧និង០០នាទីនៅចំណុចភូមិអូរចម្លងឃុំតាសែនស្រុកកំរៀងខេត្តបាត់ដំបង។
លោកវរសេនីយ៍ទោវេ.គឹមចត់អធិការនគរបាលស្រុកកំរៀងបានឲ្យដឹងដែរថា:ការឃាត់ខ្លួនស្ត្រីរូបនេះក្រោយសមត្ថកិច្ចបានកំណត់មុខសញ្ញាលោកបានដឹកនាំកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកកំរៀងចុះបង្ក្រាបតែម្តងក្នុងករណីរក្សាទុកដោយខុសច្បាប់នូវសារធាតុញៀនក្នុងបទល្មើសជាក់ស្តែង។
ស្រ្តីជាជនសង្ស័យមានឈ្មោះតាំង .ចិនភេទស្រីអាយុ៤៣ឆ្នាំមានទីលំនៅភូមិអូរចម្លងឃុំតាសែនស្រុកកំរៀងខេត្តបាត់ដំបង។
ជាមួយគ្នានោះសមត្ថកិច្ចបានដកហូតវត្ថុតាងរួមមាន៖ម្សៅក្រាមពណ៌សថ្លាច្រកក្នុងប្លា្ទស្ទិកចំនួន២៥ថង់សង្ស័យមានសារធាតុញៀននិងទូរសព្ទ័ដៃចំនួន០១គ្រឿងផង។
បច្ចុប្បន្នជនសង្ស័យនិងវត្ថុតាងនគរបាលស្រុកបានរៀបចំសំណុំរឿងបញ្ជូនមកការិយាល័យជំនានាញៃស្នងការដ្ឋាននគរបាលខេត្តបាត់ដំបងដើម្បីចាត់ការបន្តតាមនិតិវិធីច្បាប់៕សួន សុខហៃ
