បុរសម្នាក់ត្រូវជនសង្ស័យដែលមិនស្គាល់មុខវាយបែកក្បាលនៅស្រុកថ្មបាំងខេត្តកោះកុង!

កោះកុង(ថ្ងៃសុក្រទី១៨ខែមីនាឆ្នាំ ២០២២)

ករណីបង្ករបួសស្នាមពីសំណាក់ជនមិនស្គាល់មុខទៅលើបុរសរងគ្រោះម្នាក់បានកើតឡើងកាលពីវេលាម៉េាង៨.៥០នាទីយប់​នាយប់ថ្ងៃទី 17 ខែមីនាឆ្នាំ 2022 ដែលមានទីតាំងស្ថិតនៅចំណុចភូមិត្រពាំងឈើត្រាវឃុំឬស្សីជ្រុំស្រុកថ្មបាំង ខេត្តកោះកុង ។

យោងតាមការបំភ្លឺពីសាក្សី ឈ្មោះ ណែម ម៉ូវ ដែលបានរាយការណ៍ជូនសមត្ថកិច្ចប៉ុស្ដិ៍នគរបាលរដ្ឋបាលឬស្សីជ្រុំបានឲ្យដឹងថាគាត់បានប្រទះឃើញបុរសរងគ្រោះដែលមានឈ្នោះ ចាន់ ថង ភេទប្រុសអាយុ ២៨ឆ្នាំ​ ស្នាក់នៅបណ្ដោះអាសន្ន នៅភូមិត្រពាំងឈើត្រាវ ឃុំឬស្សីជ្រុំ ស្រុកថ្មបាំង​ មានបែកក្បាលហូរឈាមនៅចំណុចអូរចំរូង​ ស្ថិតក្នុងភូមិត្រពាំងឈើត្រាវ ឃុំឬស្សីជ្រុំ ស្រុកថ្មបាំង ខេត្តកោះកុង ហើយគាត់ក៏បានរាយការណ៍ជូនកងកម្លាំងសមត្ថកិច្ចនៅប៉ុស្តិ៍ឬស្សីជ្រុំតែម្ដង។

ក្រោយពីបានទទួល ពត៍មាននេះភ្លាម កំលាំងប៉ុស្ដិ៍នគរបាលរដ្ឋបាលឬស្សីជ្រុំ បានចុះទៅដល់ចំណុចខាងលើ ហើយក៏បានបញ្ជូនជនរងគ្រោះមកព្យាលបាលនៅមណ្ឌលសុខភាពឬស្សីជ្រុំ ដើម្បីជួយសង្គ្រោះអាយុជីវិតជនរងគ្រោះឲ្យទាន់ពេលវេលា ។យោងតាមការសាកសួររបស់សមត្ថកិច្ច ជនរងគ្រោះពុំដឹងថាក្បាលហូរឈាមដេាយសារអ្នកណាអ្នកបង្ករនោះទេព្រោះគាត់វង្វេងវង្វាន់​ នៅពេលដែលជនដៃដល់លួចវាយដោយមិនបានដឹងខ្លួននោះ។

បច្ចុប្បន្នជនរងគ្រោះត្រូវបានសម្រាកក្នុងមន្ទីរពេទ្យចំពោះករណីបង្ករបួសស្នាមដោយលក្ខខណ្ឌមុខនេះ កំលាំងនគរបាលរដ្ឋបាលឬស្សីជ្រុំកំពុងតែតាមស្រាវ

ជ្រាវរកជនបង្កដេីម្បីចាត់ការតាមនីតិវិធីច្បាប់ ៕

ដោយៈ ប៉ែន សំបូរ