ប្រជាពលរដ្ឋដែលរស់នៅចំណុចផ្ទះបារាំងក្នុងសង្កាត់ស្ទឹងវែង ក្រុងខេមរៈភូមិន្ទខេត្តកោះកុង

ប្រជាពលរដ្ឋដែលរស់នៅចំណុចផ្ទះបារាំងក្នុងសង្កាត់ស្ទឹងវែង ក្រុងខេមរៈភូមិន្ទខេត្តកោះកុង អំពាវនាវសូមឱ្យអាជ្ញាធរមេត្តាជួយជំរុញឲ្យក្រុមហ៊ុនអគ្គិសនីនិងទឹកស្អាតជួយបង្កើនតង់ស្យុងនិងល្បឿនទឹកស្អាតឲ្យបានលឿនផង!

(កោះកុងថ្ងៃចន្ទទី ២៩ ខែមករាឆ្នាំ ២០២៤)

ប្រជាពលរដ្ឋប្រមាណជាង 500 គ្រួសារដែលរស់នៅចំណុចផ្ទះបារាំង.ស្ថិតនៅក្នុងសង្កាត់ស្ទឹងវែង ក្រុងខេមរៈភូមិន៍ខេត្តកោះកុង នាពេលថ្មីៗនេះបានអំពាវនាវដល់អាជ្ញាធរក្រុង.ខេត្ត.និងក្រុមហ៊ុនអគ្គិសនី ព្រមទាំងមន្ទីរធនធានទឹកមេត្តាជួយជំរុញថាមពលតង់ស្យុងអគ្គិសនីនិងល្បឿនចរន្តទឹករត់ឲ្យមានកម្លាំងខ្លាំងបន្ថែមទៀតផងដើម្បីឲ្យមានភាពងាយស្រួលដល់ពួកគាត់ក្នុងការប្រើប្រាស់ជាប្រចាំថ្ងៃ។

យោងតាមសំណូមពរនិងការលើកឡើងរបស់ប្រជាពលរដ្ឋដែលរស់នៅក្នុងចំណុចផ្ទះបារាំង សង្កាត់ស្ទឹងវែងក្រុងខេមរៈភូមិន្ទខេត្តកោះកុងទូទៅបានរៀបរាប់ឲ្យដឹងថានៅក្នុងពេលបច្ចុប្បន្ននេះ កម្លាំងតង់ស្យុងអគ្គិសនី និងទឹកស្អាតគឺមានថាមពលចុះខ្សោយជាលំដាប់ទាំងភ្លើងទាំងទឹកដោយពួកគាត់មានការពិបាកក្នុងការប្រើប្រាស់ណាស់.ដោយភ្លើងអគ្គិសនីខ្សោយមិនអាចប្រើគ្រប់គ្រាន់ដូចជាកង្ហារទូរទស្សន៍ទូទឹកកក។ល។ រីឯចំណែកចរន្តទឹកស្អាតវិញគឺរឹតតែមានផលពិបាកថែមទៀតដោយសារតែចរន្តទឹករត់មានល្បឿនយឺតហើយទឹកចេញតិចទៀត ដូច្នេះធ្វើឲ្យពួកគាត់អត់មានផលពិបាកក្នុងការប្រើប្រាស់ប្រព័ន្ធភ្លើងនិងទឹកជាប្រយ័ត្នថ្ងៃ។

ពលរដ្ឋដែលរស់នៅក្នុងចំណុចផ្ទះបារាំងសូមអំពាវនាវដល់អាជ្ញាធរដែនដីក៏ដូចជាមន្ទីរដែលពាក់ព័ន្ធនិងក្រុមហ៊ុនអគ្គិសនីមេត្តាជួយសម្រួលទាំងទឹកទាំងភ្លើងឱ្យពួកគាត់បានប្រើប្រាស់ឱ្យបានងាយស្រួលផង។ពីព្រោះនាពេលបច្ចុប្បន្ននេះពួកគាត់ពិបាកនៅក្នុងការប្រើប្រាស់ប្រព័ន្ធទាំងពីរនេះណាស់៕ដោយសំនៀង